tia tanindrazana

Parution du Lundi, 20 Septembre 2021

airtel

Sport

Rajoelina sy Coach Rabe Mangatsiatsiaka ny fifandraisana

Nitokana ny kianja vaovao teny Ambohidratrimo ny Filoham-pirenena Andry Rajoelina omaly.

11-juin-2021

Sample post image

 

 Navoitrany tamin’izan fa hametraka ny fanantanjahan-tena ho antoky ny hambopom-pirenena ny tenany. Io no tanjona kendretsika amin'ny fanatanterahana ny Velirano faha-13, hoy I Andry Rajoelina. Nisongadina ny fiarahany naka sary tamin’I Abel Anicet, kapitenin’ny Barea, mitondra ny laharana faha-13 ao anatin’ny ekipam-pirenena, raha faha-12 any anatinny kliobany. Tonga teto Ambohidratrimo ny tenako ny 17 desambra 2018 ary nangataka kianja manara-penitra tamiko ireo tanora teto. Ny teny nomena dia tsy maintsy tanterahana ka androany dia atolotra amin'ny fomba ofisialy ho an’ireo tanoran'Ambohidratrimo ity kianja manarapenitra ity izay nahazo ny fankatoavan’ny FIFA sy ny CAF ka afaka hampiantrano ireo lalao iraisam-pirenena, hoy izy. Tetsy ankilany, nisafidy ny hanatanteraka ny fanazaran-tenany eny araka izany ny ekipam-pirenena Barean’I Madagasikara izay ao anatin'ny fampivondronana ankehitriny. “Miarahaba ny mpanazatra vaovao sy ny ekipany ary ireo mpilalaon'ny Barea rehetra ny tenako. Mirary soa ho azy ireo ary manantena fa hampamiratra indray an'i Madagasikara izy ireo. Miara-mirona indray manohana azy ireo ny vahoaka Malagasy manotolo ary matoky azy ireo isika fa hanoratra indray ny tantara ka hahatafiakatra an'i Madagasikara amin'ny fandraisana anjara voalohany amin'ny “Mondiale”. Mba hampiray ny Malagasy rehetra ny fanatanjahantena. Alefa Barea”, hoy I Andry Rajoelina.

MANGATSIAKA NY FIFANDRAISANA…

 Na niarahaba an’i Eric Rabesandratana aza i Andry Rajoelina, dia tsy nisy ny fifanantonana manokana tamin’izy ireo. Mangatsiatsiaka ny fandraisan’ny Mpitondra tarihin-dRajoelina sy ny mpanazatra vaovao, ary toa mitory hafatra ny zava-nisy omaly. Efa niteny moa ny Filoha Rajoelina volana vitsy lasa izay, fa tsy famotehana an’I Nicolas Dupuis fotsiny no nanesorana azy, fa famotehana ny kitra Malagasy mihitsy. Niainga tamin’ny Filohan’ny FMF Arizaka Rakoto Raul izay henjehin’ny fitondrana rahateo ny fanesorana teo aloha sy ny fanendrena mpanazatra vaovao. Sary isan’ny nandrasan’ny maro ny fihaonana teo amin’ny mpanazatra vaovao sy ny Filoha, saingy tsy nahitana izany ny sary ofisialy, fa ny an’ny Filoha sy ny Kapiteny no nasongadina. Irariana na izany aza mba tsy hiantraika any amin’ny ekipam-pirenena ny fifandraisana to marisarisa. “Mila miray fo sy miray hina ianareo mba hanandratra avo ny voninahim-pirenena ary aorianareo mandrakariva ny vahoaka Malagasy" hoy moa ny Filoha mantsy ny Barea. Mirona betsaka amin’ny resaka kianja I Andry Rajoelina tato ho ato, izay zavatra tsara. Tena mitovy amin’ny fihazakazahana amin’ireny ve anefa ny lafiny sosialy, toekarena,… izay tena mena tanteraka ny tondro ?

Toky R

Dans la même rubrique

Card image cap
“Coupe de la CAF” Tafita any amin’ny 1/16-dàlana ny CFFA
20-sept-2021

Tafiakatra amin'ny dingana manaraka ny CFFA andoharanofotsy amin’ny fiadiana ny Amboaran’ny Kaonfederasionina Afrikanina na ny “Coupe de la CAF” ho an’ny taranja baolina kitra.

Card image cap
Federasiona Malagasin’ny ady totohondry Mpitsara sy mpanazatra 41 nahazo fiofanana
20-sept-2021

Mpitsara sy mpanazatra miisa 41 mirahalahy no nahazo fiofanana teo anivon’ny Federasionan’ny ady totohondry eto Madagasikara ny faran’ny herinandro teo.

Card image cap
Kitra, filaharan’ny FIFA Very toerana telo ny Barea
17-sept-2021

Very toerana miisa 3 ny Barean’i Madagasikara eo amin’ny filaharana maneran-tany eo amin’ny sehatry ny baolina kitra. Navoakan’ny FIFA omaly alakamisy izany,

Voir plus