airtel

Sport

16-nov-2022

Sport

Romain Métanire Nisaraka tamin’ny Minnesota United FC

Sample post image

Namoaka ny lisitr’ireo mpilalaon’ny Minnesota United FC, klioba divizionina voalohan’ny baolina kitra ao Etazonia, izay tsy hanome azy ireo ny fifanarahana intsony ity klioba ity.

16-nov-2022

Anisan'izany tsy nomena fanavaozana fifanarahana izany intsony ny vodilahara malagasy, Romain Métanire, noho ny toe-pahasalamany sy ny ratra mahazo azy matetika nandritr’ireo taom-pilalaovana. Tonga avy any Reims, klioba divizionina faharoa frantsay izay nampiany ho an'ny anaram-boninahitra sy ny fidirana amin'ny diviziona voalohany tamin'ny taona 2017-2018, I Romain no avy eo nanatevin-daharana ny Loons na ity klioba amerikanina voalaza teo ity ny janoary 2019. Fifanarahana 2 taona miaraka amin'ny taona fanampiny azo atao moa no nandraisana azy tamin’izay fotoana izay. Nahatratra ny fara-tampony i Métanire nandritry ny taom-pilalaovan’ny Major league soccer na MLS 2019, izay fifaninanana goavana indrindra ao Etazonia eo amin’ny taranja baolina kitra, ka nahatafiditra azy tao amin'ny ekipa “MLS All Star” niaraka tamin'ireo kalazalahy toa an’ilay portogey, Luis Carlos Almeida na Nani sy ilay lohalaharana anglisy, Wayne Rooney. Nahavita lalao miisa 84 niaraka tamin'ny Minesota United ny vodilaharana malagasy. Nahafaty baolina iray izy ary nahavita nanome tolotra tsy azo ivalozana miisa 10. 32 taona ny lehilahy ankehitriny, mirefy 1,78 metatra, milanja 72 kilao. Hatreto dia mbola tsy fantatra aloha ny lalan-kizoran’ity nomen-drizareo bekintana anaram-bosotra hoe “The Machine” ity saingy hirariana kosa ny hahitany ny tsaratsara kokoa ho azy sy ny mahasoa. Nisaraka aloha izany iny izy sy ny Minnesota.
J. Mirija
 

Dans la même rubrique

27-mars-2024

Misy odi-potsy angaha ity kianja ity, hoy ny vazivazin’ny mpankafy baolina kitra ny

Card image cap
27-mars-2024

Lasa resabe iny faharesen'ny Barea nanoloana an’i Rwanda iny.

Card image cap
27-mars-2024

Lasa resabe iny faharesen'ny Barea nanoloana an’i Rwanda iny.

Card image cap
26-mars-2024

Vokatra no ilaina. Efa zava-dehibe ny nahazoana ireny lalao ara-pirahalahiana

Card image cap