airtel

Sport

12-janv-2023

Sport

Taranja Tennis U14 sy U15 Tompondakan’I Afrika Aostraly ny Malagasy

Sample post image

Nisongadina indray ny tanora Malagasy ! Namiratra tanteraka, ary voahosotra ho tompondakan’I Afrika Aostraly na ny tapany atsimo amin’ny taranja “tennis”

12-janv-2023

mantsy ireo solontenantsika teo amin’ny U14 sy U16 dia i Mirija Andriantefihasina sy Mitia Voavy. Tany Harare Zumbabwe no natao ny fifaninanana, ka ilay teratany Zimbabwéen Tendekai Musabaeka no resin’i Mirija Andriantefihasina teo amin’ny famaranana tamin’ny seta 2 noho 0 (6/4 sy 6/0. Teratany Afrikanina Tatsimo dia i Dladla kosa no resiny tany amin’ny manasa-dàlana. Ho an’I Mitia Voavy, dia teratany Malagasy ihany no nifanandrina taminy tamin’ny famaranana dia i Mitondra Razafinarivo, izany hoe 100% Malagasy teto, ka resiny tamin’ny seta mazava 6/2 sy 6/4 ity mpiray tanindrazana ity. Taorian’ny fifaninana ho an’olon-tokana sy an’olon-doa, nanomboka omaly dia mandray anjara amin’ny fiadiana izay ho tompondakan’I Afrika tapany Atsimo ho an’ny ekipa ny ekipam-pirenentsika. Fifanintsanana hiakarana ho an’ny fiadiana izay ho tompondaka ho an’ny sokajy zandriny na AJC Team hatao amin’ny volana may io, ka izay ekipa iray tafavoaka ao anatin’izany no hisolo tena ny tapany Atsimon’I Afrika.
Toky R

 

Dans la même rubrique

24-mai-2024

8 andro izay ilay vodilaharan’ny Jet Kintana, divizionina voalohany eto Madagasikara eo amin’ny

Card image cap
24-mai-2024

Nivoaka ny lisitr'ireo Barea hanao ny lalao hihaonana amin'ny

Card image cap
23-mai-2024

Tapa-bolana tsy hihaonana amin’ny ekipam-pirenena kaomorianina eo amin’ny taranja baolina kitra

Card image cap
23-mai-2024

Resin’ilay Danoise Laerke Olsen izay tompondaka lefitra eran-tany tamin’ny 2018 i Laura Rasonaivo androany

Card image cap
23-mai-2024

Tsy arakaraka ny tombatomban’ny besinimaro, fa nanoratra tantara

Card image cap