airtel

Sport

02-mai-2024

Tennis Juniors eran-tany

Mbola nibata fandresena indray i Miotisoa Rasendra

Sample post image

Mafy, tena mafy ity Miotisoa Rasendra ity raha samy junior ihany.

02-mai-2024

Efa nijanona elaela izy noho ny ratra nahazo azy fa vao tafaverina izy dia izao mandravarava izao. Vao avy nibata fandresena tany Accra i Miotisoa Rasendra dia izao nahazo ny fifaninana iraisain'ireo sokaji-taona eran-tany io indray ny faran'ny herinandro tany Abidjan. Resiny teo amin'ny famaranana ilay Tchèque Nicole Cukasova izay nitsoaka an-daharana teo amin'ny seta fahatelo raha efa nitarika 5 noho 3 i Miotisoa. Ity mpilalao avy any Tchèque ity anefa no nahazo ny seta voalohany 6/3 saingy namaly botana i Miotisoa ka nahazo ny seta faharoa 6/3. Nahazo aina izy ny seta fahatelo ary nitarika foana ka voany teo amin’ny lazon'ady ilay mpifanandrina taminy ary nitsoaka an-daharana. Mendri-piderana ny zava-bitan'i Miotisoa izay soavaly miato-bilona satria mitaza-potsiny ny ministera fa ny ray aman-dreniny no tena manohana Toy izany koa ny mahakasika an'i Mirija Andtiatefihasina sy Mahery Raoily izay tonga tany Abidjan ihany koa. Tsy tonga fe tonga anefa fa mbola nitondra avo ny voninahitry ny Malagasy. Tody teo amin'ny famaranana olon-droa miaraka mantsy izy roalahy ireto raha samy niady ny manasa-dalana teo amin'ny olon-tokana. Efa manangasanga izany ny zaza mpandimby satria efa azo lazaina fa afaka hilahatra amin'i Toky Ranaivo izy ireo aoriana kely ao. Indrindra raha mbola manohana ny ray aman-dreniny satria tsy misy afatsy ny fandraisana anjara eo amin'ny sehatra iraisam-pirenena raha te ho tafita.
Clément RABARY
 

Dans la même rubrique

19-juil-2024

Miditra eo amin'ny fifaninana Afrikanina daholo izao na ny Barea na ireo ekipa roa misolotena antsika dia ny Elgeco

Card image cap
18-juil-2024

Efa any Botswana ny ekipa malagasy hiady ny fiakarana ho Vondrona faha 4 amin'ny Coupe Davis.

Card image cap