airtel

Sport

07-déc-2022

Sport

Tinoka Roberto « Ny lalaon’ny nosy no tena mahamaika antsika »

Sample post image

Hita ho mipoipoitra indray ato anatin’ny roa herinandro izao ny minisitry ny tanora sy ny fanatanjahantena Tinoka Roberto raha tsy re sy tsy hita am-bolana maro.

07-déc-2022

Efa tazana tamina fitsidiham-paritra niaraka tamin’ny filoham-pirenena izy, ary dia manomboka miseho etsy sy eroa ka anisan’izany ny nitranga omaly talata dia ny fitsidihana ny toerana hametrahana ny biraon’ny komity mpikarakara ny lalaon’ny Nosy na ny COJI tetsy amin’ny kianja Barea Mahamasina.Nijery ny kianja ihany koa ingahy Minisitry ny Tanora sy ny Fanatanjahatena, niaraka tamin' ireo tompon'andrakitra isan-tsokajiny eto anivon'ny minisitera.Ny 23 aogositra ka hatramin’ny 5 septambra 2023 moa no hanatanterahana ny lalaon’ny nosy eto Madagasikara.Io no laharampahamehana ho an’i Madagasikara hoy ny minisitra omaly raha nitsena ireo ekipam-pirenena Malagasy amin’ny Basketball lalaovin’olon-telo izy.Afantoka any ny fiomanana sy ny ezaka ; nomarihina fa tsy hoe manamaivana ilay CJSOI izay tanterahina atsy amin’ny nosy Maorisy amin’izao fotoana fa manana ny politikany momba ny fanatanjahantena ny fanjakana, misy ny lamina sy ny laharampahamehana napetraka dia izay no tanterahina fa tsy hoe voatery hanaraka ny resabe etsy sy eroa, na ny ady hevitra any anelakelan-trano ny fanjakana. Tanjona ho an’i Madagasikara ny hahazo ny medaly be indrindra amin’io lalaon’ny nosy amin’ny herintaona io , hoy ny minisitra Tinoka Roberto izay somary nanindrona paingotra kely ireo mpanakiana miandry izay zavatra kely tsy mety fotsiny dia mitabataba etsy sy eroa, tsy mety izany hoy izy ary tsy tokony ampidirana resaka politika ny fanatanjahantena.Tsara ho marihina moa fa ny 20 jolay tamin’ity taona ity no nanamafy ny handraisan’i Madagasikara ny lalaon’ny nosy amin’ny taona 2023 ny filankevitry ny minisitra. Dia taitra tamin’ny torimasony izany ny minisitry ny fanatanjahantena rehefa tsy hita popoka fotoana elaela ihany, ary efa nahoraka be aza fa hoe manana olana ara-pifandraisana amin’ny governemanta mihitsy izy. Iny eo ihany fa nampitombo ny fahasosoran’ny mpankafy fanatanjahantena hatry ny omaly ilay filazana fa tsy dia mankaiza ny resaka CJSOI fa ny lalaon’ny Nosy no tena izy ; izany ve no fanazavana olona hoe tompon’andraikitra hoy ny mpanara-baovao.tahaka ny miteny hoe ny vary no tena foto-tsakafo ka tsy dia maninona loatra aza na tsy misy loaka.
RTT
 

Dans la même rubrique

19-avril-2024

Inona no mahazo ny tsipy kanetibe no toa tsy mbola isan'ireo taranja hifaninana amin'ny Lalao Olaimpika

Card image cap
19-avril-2024

Lesona be nomen'ny FIFA ny nanomezany sazy henjana ny mpitsaran'ny lalao nihaonan'ny Barça sy PSG nandritra ny Ligue des Champions.

Card image cap
18-avril-2024

Voadingan’ilay frantsay vao 21 taona, Etienne Camara,

Card image cap