tia tanindrazana

Parution du Vendredi, 14 Janvier 2022

airtel

Sport

Tompondakan’- Afrika - Boxe Thaï Miantso tolo-tanana i Miora sy Faza

Ny 11 hatramin’ny 16 novambra izao no ho tanterahana atsy Hurgada, Egypta, ny dingana famaranan’ny tompondakan’I Afrika eo amin’ny taranja haiady Boxe Thaï.

08-nov-2021

Sample post image

 Manana solontena miisa 2, sokajy lahy sy vavy hisolontena azy amin’izany fifaninanana iraisampirenena izany isika Malagasy dia I Miora Tiana Andriamiharisoa na Miora, izay efa avy tompondaka tamin’ny “Mon K1 Rules” sy tompondakan’I Afrika teo amin’ny taranja “Full contact”, sokajy vehivavy. Elfazar Fazaraly Razanajatovo kosa na I Faza no solontenantsika ho an’ny sokajy lehilahy. Efa tompondaka lefitra eran-tany teo amin’ny MAS Fight izy ary efa tompondakan’ny Lumpinee stadium. Ankehitriny dia manao antsoavo amin’ny Malagasy rehetra izy ireo mba hanome izay foy ho entiny miatrika ity fifaninanana lehibe ity. Tranga tsy vaovao teo amin’ny tontolon’ny fanatanjahantena Malagasy ny toy izao ary mampametra-panontaniana lalina hoe tsy mba menatra ve ireo tomponandraiki-panjakana nifandimby sy ny ao amin’ny minisiteran’ny fanatanjahantena ao satria na inona na inona taranja dia saika antony tsy maha tafainga ireo solontenantsika hiatrika ireo lalao iraisampirenena misy hatrany izay resaka tsy fahampian’ny enti-manana izay? Ny fahafahana mandray anjara amina fifaninanana iraisampirenena toy izao anefa no marika voalohany fa miasa ny mpitantana, indrindra, raha fanatanjahantena no resaka ary io ihany koa no mba hahafahan’ireo atleta mahita lalana hivoarany kokoa eo amin’ny sehatra misy azy sy hahafahany mitondra vokatra tsara ho an’ny fireneny.
J. Mirija
 

Dans la même rubrique

Card image cap
Fifanintsanan’ny CAN 2023 Miandry lalao isam-bondrona avy hatrany ny Barea
14-janv-2022

Namoaka ny datin’ny fifanintsanana hiakarana amin’ny CAN 2023 ny Kaonfederasionina Afrikanina ho an’ny taranja baolina kitra (CAF) omaly alakamisy 13 janoary 2021.

Voir plus