Tsipy kanetibe

Efa nanaiky ny toromarika avy amin'ny Filohan'ny federasiona iraisam-pirenena, Claude Azéma, ka nametraka an'i Adrien CB2A, ho filoha vonjy maika nefa hatreto dia mbola tsy nahita mangirana. Mbola tsy mazava rahateo ny valinteny avy amin'ny Ministeran'ny Fanatanjahantena mikasika ilay vola be an'i Dolys Randriamarohaja niantoka ny ekipam-pirenena tany Shanghai sy Lomé, ary izay no mampikatso ny raharaha. Tena mikatso ary manamarina izany ny fandaharam-potoana navoakan'ny FSBM farany izay tsy misy fandraisana anjara eo amin'ny sehatra iraisam-pirenena. Samy mahafantatra anefa fa ny tsipy kanetibe no hany taranja mety ahazoan'ny Malagasy anaram-boninahitra eran-tany betsaka indrindra.Na ry zareo Frantsay aza dia tena matahotra ny hifanena amin'ny Malagasy.Eo amin'ny laharana fahatelo any Frantsa izao i Rachre Andriantseheno izay efa tompondaka eran-tany niaraka tamin'i Jean Robot sy Kailas tany La Réunion.
Clément RABARY