airtel

Toekarena

03-mai-2024

Fampandrosoana ny fandraharahana

Ho avy eto ny mpanangana ny Muzinami Africa foundation

Sample post image

Nisokatra omaly ary tsy mifarana raha tsy ny 31 may izao ny fisoratana

03-mai-2024

anarana ho an’ireo mpandraharaha na orinasa malagasy latsaky ny 4 taona nisiana te handray anjara amin’ny fifaninanana tetikasa tsara indrindra izay karakarain’ny fikambanambe koreanina, Muzinami Africa foundation, miaraka amin’ny Nexta, izay anaty vondron’orinasa Axian. Araka ny fanazavana tetsy Andraharo omaly moa dia natao ho an’ireo mpandraharaha 18 hatramin’ny 35 taona ny fifaninanana. Ny 27 jona no ho fantatra ireo miisa 6 voafantina farany amin’izany ka hanao ny famaranana. Ireo tetikasa miisa 3 tsara indrindra kosa dia samy hahazo 30 tapitrisa Ariary ahafahan’izy ireo manatontosa izany tetikasa izany. Ho avy eto Madagasikara, noho izany, ireo mpitantana sy mpanangana ny Muzinami Africa foundation, Sakuru Muzinami mivady, ny 1 aogositra 2024 hanolotra ireo loka ho an’ny mpandresy. Tsy voafetra ny isan’ireo mpandray anjara ho fantenina mandra-paha dilan’ny daty voalaza, hoy hatrany ny fanamarihana sy fanazavana, ary ny hampandroso ny tontolon’ny fandraharahana eto Madagasikara no tanjona.
J. Mirija

 

Dans la même rubrique

19-juil-2024

Manomboka ny fanodinana ny kakao ho vovony any amin’ny distrikan’Ambanja.

Card image cap