Toekarena

 izay hatao any Sahambe Sandrandahy, distrikan’i Fandriana, faritra Amoron’Imania, ny 2 sy 3 oktobra izao, hoy ny fampitam-baovaon’izy ireo. Ho fampahafantarana ireo toeram-pizahantany azo tsidihana any an-toerana no anton’ny hetsika. Efa maro izy ireo, hoy ny fanazavana, nefa mila ampiana ho fampiroboroboana ny fizahantany ara-kolontsaina. Misy zavaboary samihafa ao Sandrandahy ary misy ireo biby mampiavaka antsika. Misy toerana antsoina hoe Ikianja ihany koa izay misy ny tantara ipoiran’ny fisakana. Eo koa ny savika izay mampalaza ny Betsileo. Ho sokafana eo amin’ny sehatry ny fizahantany anatiny sy iraisam-pirenena izany. Ho hita any an-toerana avokoa ireo mampiavaka rehetra izany Amoron’Imania izany na ara-kolontsaina na ara-tsakafo na toerana na fomba. Miantso ny mpisehatra rehetra, hoy hatrany izy ireo, ary tsy voatery ny eo amin’ny sehatry ny fizahantany ihany fa izay afaka mampiranty sy liana amin’izany atao hoe fizahantany ara-kolontsaina izany rehetra dia asaina avokoa satria fampandrosoana no tanjona. Hasongadina ao anatin’izany ihany koa, mazava ho azy, hoy ny fanamarihana, ny fitafy sy kolontsaina Betsileo.
J. Mirija
Legende: Ireo mpikarakara