Toekarena

telo andro taorian’ny fianianan’ny Governora vaovao Atoa Aivo Handritiana Andrianarivelo izay natao ny 4 febroary lasa teo. Isan’ny fanapahan-kevitra noraisina tao anatin’izany ny taorian’ny fandinihana ny zava-misy ara-toekarena eto an-toerana sy iraisam-pirenena no nanapahan’ny BFM fa, tazonina ho 8,10% ny “taux des facilities de depot” na ny tahan’ny zana-bola, izay ireo banky ara-barotra sy banky ara-bola tsotra moa no tena mpametraka vola ao amin’ny ankampobeny. 10,10% kosa ny “taux des faciliés de prêt marginal” na ny zana-bola amin’ny findramam-bola. Andrasana kosa ny politika ara-bola hoentin’ny BFM eo anatrehan’ny fiantraikan’ny sondro-bidim-piainana, ka ny volana manaraka eo dia hatokana ho fotoana hanaraha-maso sy hijerena akaiky izany. Etsy andaniny, na misy aza io fitazonan’ny BFM ny taha amin’ny fampindramana na fametrahana vola ao aminy io, dia efa naneho ny ahiahiny kosa ireo banky ara-barotra sy banky ara-bola izay naneho fa ambony loatra ny taha amin’ny findramam-bola amin’ny Banky BFM ary nanamarika fa tsy nitsaha-niakatra ny taha alaina amin’ny findramam-bola na ao anatin’ny 24 ora aza. 7,2% io ny novambra 2021 no niakatra 8,9% ny aogositra 2022 ary io 10,10% io ankehitriny izay nanomboka ny oktobra 2022. Io no heverina fa isan’ny mampidanana ny tahan’ny zana-bola amin’ny findramam-bola amin’ireo banky eto amintsika izay tafiakatra hatrany amin’ny 15 hatramin’ny 18%, raha toa ka manodidina ny 5% ny any amin’ny firenen-kafa, kanefa ny zana-bola amin’ny fametraham-bola ambany kokoa. Efa tsy azo hanoharana noho izany vao miditra amin’ny findramam-bola ny mpanjifa sy ny mpandraharaha ara-toekerana samihafa.
Toky R