Kaominina Kiranomena “Nakana ristourne 45 tapitrisa, 6 tapitrisa no mba niverina”

160 tapitrisa ny tetikasa nataoko, 6 tapitrisa no nomen’ny governora ka izy ve izany no nahavita ny lapan’ny tanàna? Ny kaominina anefa mampiditra “ristourne” isaky ny 3 volana any amin’ny 45 tapitrisa Ar any ka ny isan-jaton’izany ve dia 6 tapitrisa no omena ao anatin’ny 4 taona”, hoy ity ben’ny tanànan’I Kiranomena ity. Nangataka “engins” tao amin’ny faritra Bongolava ihany koa aho hanamboarako ny làlana tampaka sy kianja, hoy izy, ka nomarihiny fa ny Filoha no nanome ireny fitaovana ireny, tsy misy na Ariary aza avy amin’ny faritra fa izahay no niantoka ny gazoala sy ny asa tany Kiranomena. Fitaovana antsika, ka ny governora ve no namita ilay làlana sy kianja. Naneho io olom-boafidy fa efa nisy ny ala nenina, ary tonga ny tsotsorimamba isarahana. Tsy nahavita antsika, miala governora satria tsy mampitambatra., hoy ny ben’ny tanànan’I Kiranomena. Notsipihin’ireo ben’ny tanàna fa 6 amin’ny 30 no tena miaraka amin’ny Governora, ka misy ireo mialokaloka noho ny afera maloto. Misy ny hoe Fikambanan’ny ben’ny tanàna ao Bongolava, mandainga izay miteny fa misy filohany ny Fikambanan’ny ben’ny tanàna satria tsy nofidiana ireo fa nitsangatsangana fahatany, hoy ny ben’ny tanànan’I Kiranomena. . Mizara telo ireo ben’ny ben’ny tanàna ka ao ny miondana an-dRagova izay misy be afera ka mialoka ao an-damosiny, ny sasany matahotra antsojay ka misababaka, ary ao ny miaraka manatsikafona ny mety, raha ny nambaran’ny depioten’I Tsiroanomadidy.
Toky R