LOKA PIERRE CASTEL - EDISIONA 2024

Ny STAR raha tsiahivina dia mitovy hevitra amin’ny tanjon'ny vondrona CASTEL amin’ny fanohanana ny mpandraharaha eto an-toerana mba hampiharana vahaolana maharitra amin'ny faharetan'ny rafitra ara-tsakafo eto Afrika.Nisokatra nanomboka ny 01 martsa teo ny fifaninanana raha tsiahivina ho an’ireo tanora mpandraharaha mizaka ny zom-pirenena malagasy eo anelanelan’ny 18 sy 45 taona, monina sy miasa amin’ny sehatry ny fambolena sy ny indostria eto Madagasikara. Ireo tetikasa voafantina dia hisitraka amin'ny fanohanana ara-bola sy fanofanana izay afaka manangana sy manamafy ny fahaizany miatrika ireo fanamby raiki-tampisaka eo amin'ny sehatry ny fambolena sy fiompiana eto an-toerana sy iraisam-pirenena. Loka ho azon’ny laharana voalohany mandritra izany ny vola mitentina € 15,000 miampy fanohanana ara-bola ary programa fanofanana. Mitentina 10.000 euros kosa ny loka faharoa miampy programa fanofanana koa. Fahatelo hatramin’ny laharana fahaefatra dia hisy ny fiofanana momba ny fandraharahana voamarina momba ny e-learning miaraka amin’ny foibe ara-barotra iraisam-pirenena any Geneva (ITC) ary fandraisana anjara mivantana amin’ny Prix Jeunes Espoirs. Azo hatao mivantana amin'ireto rohy manaraka ireto: http://candidature-prix-pierre-castel.com/ na https://forms.gle/MxtBBrwbsLaFsopf6 moa ny fisoratana anarana, raha araka ny fanazavan-dRamatoa Fanou Raveloarison, tompon’andraikitry ny serasera eo anivon’ny orinasa Star.
Pati
Legende : Ramatoa Fanou Raveloarison, tompon’andraikitry ny serasera eo anivon’ny orinasa Star !