Ralaiarimanana

ny vahoaka malagasy amin’izao fotoana izao, hoy ny Kristianina mandinika raharaham-pirenena, Ralaiarimanana. Hitantsika, hoy izy, ny tolona natao teto. Matoa ny vahoaka nihetsika dia nisy notakiany tao. Te hiova sy te hanana fiainana vaovao ny malagasy dia ny hoe misy fihatsaràna any an-tokantrano tsirairay avy na any amin’ny fambolena na fiompiana na karama sy fari-piainan’ny olona tsirairay avy. Nahakasika izany ve ny fakàn-kevitra natao teny Iavoloha nandritra ny herinandro. Mila olom-baovao i Madagasikara. Mila olona mijoro sy tena tia fahamarinana. Olona tena hikarakara ny harena an-kibon’ny tany ho tombontsoan’ny malagasy fa tsy sanatria hangalatra an’izany. Mba tsy ho mpangataka lava i Madagasikara, izay tokony ho lohany fa tsy rambony toy izao nefa hananantsika eto daholo ny harena voajanahary maro. Mila tsy miankin-doha intsony i Madagasikara. Ireo mpanao politika no heverina hoe herivelona eto amin’ny firenena. Mandady mitady toerana izy ireo. Mila mitandrina amin’izany ny fitondràna. Matetika ny fanaovana politika eto Madagasikara dia fanangonan-karena sy fitiavan-tena. Ny hita teo aloha dia tsy refesi-mandidy, manampatra fahefàna, mihevitra ho tompon’ny fahefàna. Tsy tokony ho izany intsony nefa fa politika entina manompo vahoaka no iainana, hoy hatrany ny tenany.
J. Mirija