hatrany ny vola ariary amin'ny vola vahiny ny Governemanta. Raha nanomboka ny taona 2021, dia 3 816 Ariary ny iray dolara raha 3 732 Ariary iray volana lasa izay. Saingy mety hiharatsy ny toe-draharaha satria ny dolara amerikana amin`izao dia efa manakaiky ny 4 000 ariary amin'ny taona 2021. Araka ny voarakitra ao anatin` ny lalàna mifehy ny tetibolam-panjakana (LFI) taona 2021 dia ho 3 936.7 ariary ny elanelan'ny dolara sy ariary. Araka izany, hihenam-bidy -3,7% raha oharina tamin'ny taon-dasa izany. "Miaraka amin'ny fifandanjana ara-barotra miiba sy ny fiakaran'ny vidim-piainana avo kokoa raha oharina amin' ireo firenena mpiara-miombon`antoka, Madagasikara dia miaina fidinan' ny volany isan-taona raha oharina amin'ny sandam-bola toy ny dolara sy ny euro. Ankoatr'izay, ny dolara dia mijanona ho vola ampiasaina amin'ny fifanakalozana amin'ny tsena iraisam-pirenena” hoy ny fanamarihana anatin` ny LFI 2021. Tsiahivina kosa fa ny Ariary dia niaina taha ambony tamin` ny faran`ny taona, izay ho3 700 ariary ny dolara iray. Izany dia noho ny fiakaran'ny tahiry fifanakalozam-bola vahiny nanomboka ny volana septambra teo. Eo ihany koa ireo fanampiana avy any ivelany isan-karazany toy ny Facilité élargie de crédit (FEC), ny famatsiam-bola avy amin` ny Tahirim-bola iraisam-pirenena, ary koa ny Banky Iraisam-pirenena, raha ny fanamarihana hatrany.
Marigny A.
