airtel

Toekarena

14-oct-2022

Toekarena

Solika mavesatra Tena efa manomboka mivarotra ny Madagascar oil

Sample post image

Hanomboka hamatsy solika ireo orinasa indostrialy Malagasy ny Orinasa Madagascar oil SA, araka ny lahatsoratra navoakan’ny fampahalalam-baovao ara-toekarena Agence Ecofin ny fiandohan’ity herinandro ity.

14-oct-2022

Misy aza ny vaovao milaza fa efa nivarotra ny voaloham-bokatra tamin’ireo indostria goavana misehatra amin’ny fambolena sy fiompiana, lamba ary simenitra atsy amin’ny faritra Vakinakaratra. Ny volana jolay moa, nisy ny karazana fampitandremana nataon’ny Fanjakana tamin’io orinasa io hanafainganany ny famokarana mba hamadihana ho vola ny tahirina solika mavesatr’I Madagasikara ao Tsimiroro. Ny 7 oktobra teo, nisy fifanarahana maro voasonia momba ny famatsiana solika mavesatra ho an’ny orinasa ato anatiny, izay mahafeno ny fepetra takian’ny Fanjakana sy ny orinasa. Raha vantany vao mihatra, ahafahan’ireo orinasa mampihena ny faktioran’angovo hatrany amin’ny 25% ny fifanarahana amin’ny Madagascar oil. Mahatratra hatrany amin’ny 1,7 miliara barila ny tomban’ny solika mavesatra azo tratrandrahana ao Tsimiroro, izay ahafahana mampihena ny fatiantoka ara-angovo sy hampiakarana ny toekarem-pirenena, hoy ny manam-pahaizana. Mora kokoa noho ny menaka mavesatra hafarana avy any ivelany ny vokatra avy ao Tsimiroro. 400 barila eo isan’andro amin’izao fotoana ny orinasa mpitrandraka azy, afaka miakatra 6 000 barila hatramin’ny 10 000 barila isanandro anefa izany rehefa betsaka ny filan’ny mpanjifa.
Toky R
 

Dans la même rubrique

17-juin-2024

Araka ny tatitra vaovao avy amin’ny Banky Iraisam-pirenena, ny fitomboan’ny

Card image cap
17-juin-2024

Nomarihiny omaly Alahady 16 Jona ny fankalazana ny fetin’ny Ray ho an’ity taona 2024 ity.

Card image cap
14-juin-2024

Mamono ny mpandraharaha malagasy madinika ny lalàna mametra ny vola azo entina mivoaka

Card image cap