.jpg)
Ambony ny fanaovan-tsonia ny fifanarahana ara- barotra mahakasika ny vokatra sakay vavam-borona na “piment bec d’oiseau” teo amin’ny fivondronan’ireo tanora tantsaha mpamokatra Soamiaradia sy ny Orinasa Hy Techno Green Energy na “HTGE”. Vokatra milanja 27,5 taonina no raisin’ny orinasa HTGE amin’ireo tanora mpamokatra manomboka ny faran’ny volana mey 2023 ka hatramin’ny faran’ny volana martsa 2024, hoy ny fampitam-baovao. Mba hanatsarana hatrany ny kalitaon’ny vokatra sy mba hanampiana ireo tanora mpamokatra ireo dia nanolotra masomboly voafantina milanja 1kg ny orinasa HTGE. Tsy mitsahatra manampy tosika ireo tanora mpandraharaha ny minisiteran’ny fambolena sy fiompiana amin’ny alalan’ny “Programme Formaprod” izay vatsian’ny FIDA vola, hoy hatrany ny fampitam-baovao.
J. Mirija
