Toekarena

Ao anatin’ireo « CEO de l’année » na mpitantana oronasa mendrika nandritra ny taona izy, izay efa roa taona misesy tamin’ity no nahatafiditra azy tao anatin’izany. Ivondronan’ny Vondron’orinasa Sipromad sy ny Thomson Broadcast izay azony nanomboka ny aogositra 2018 moa ny Redland, ary voasokajy ho orinasa nahomby sy nahatanteraka ny fanamby hitondra fanovana amin’ny alalan’ireo orinasa mandrafitra azy mba ho lasa iray amin’ireo orinasa tena matanjaka sy manana ny maha izy azy aty Afrika, araka ny fahitan’ny Financial Afrik azy. Isan’ny nanamarika ity taona ity ho azy ny fahazoany GatesAir orinasa sangany Amerikanina eo amin’ny sehatry ny famokarana sy fikirakirana ary varotra eo amin’ny tontolon’ny fahitalavitra sy radio, izay lasa rantsan’ny Thomson Broadcast any Etazonia.
Toky R