Mpivady izay 50 taona ny ralehilahy raha 27 taona kosa ravehivavy no nifamaly mafy tamin’ny Sabotsy 10 Febroary teo tao Vohimena,kaominina ambanivohitra sy distrikan'i Vangaindrano. Tsy naharitra fa niantso an-telefaonina ny zandary miasa amin'ny Poste avancé Matanga ny sefom-pokontany ao an-toerana noho izany rehefa tsy afaka nanao ny fanelanelanana intsony. Ilay fifamaliana teo an-daniny nihanahery vaika ihany. Nidina ifotony avy hatrany ny zandary nijery ny zava-nisy ka nahitana fatin'olon-droa efa nitsiatra izay tao an-tranon'izy mivady ireo ihany. Tonga teo avokoa ny fianakavian'izy ireo noho izany naka ny razana rehefa vita ny fizahana natao. Efa mandeha moa ny fanadihadiana hataon’ny zandarimariam-pirenena ao Matanga manoloana ity tranga hafahafa sady mampalahelo ity.
Pati
Legende : Ireto ny fatin’izy mivady !