airtel

Actualités

11-nov-2024

ANTOKO AREMA

Nankalaza ny tsingerin-taona nahaterahan’ny Amiraly

Sample post image

Notanterahana teny amin’ny Kaominina Ambavahaditokana afak’omaly Sabotsy 09 Novambra ny lanonana

11-nov-2024

nankalazana ny tsingerin-taona nahaterahan’ny Amiraly Didier Ratsiraka niarahana tamin’ny fianakaviany sy ireo mpikatroka ao anatin’ny Antoko Arema. Ny 04 novambra teo moa no tena daty nahaterahany ary efa nisy ny fanaterana fehezam-bonikazo teny amin’ny Fasan’ny mahery fo ho fahatsiarovana izany raha tsiahivina, fa lanonana tsotsotra ho fahatsiarovana no natao afak’omaly sabotsy . Nisy ny fiaraha-misakafo sy ny fifampizarana mofomamy nandritra izany. Ny Sekretera nasionalin'ny ’ny antoko Arema sy ny Sekretera nasionaly lefitra faritanin’Antananarivo no nitarika ny lanonana. Nandritra izany ihany koa no nanoloran’ny Sekretera nasionalin’ny Antoko Arema Rtoa Annick Ratsiraka ireo kandidan’ny antoko izay nirotsaka ho fidiana ho Ben’ny tanàna ao amin’ny Kaominina Ambavahaditokana izay misy ny kandida Bezoma Luolin sy ao amin’ny Kaominina Ampanefy izay ahitana any kandida kolonely Lesabotsy. Nanome toromarika ireo kandida ireo ny Sekretera nasionaly ka nambarany fa ny Vahoaka hifidy azy ireo no tokony ho lohalaharana rehefa lany izy ireo fa tsy ny fianakaviana sy ny akamakama. Mila mamerina indray ny hasin’ny Vahaoaka sy i Madagasikara isika hoy ny hafatr’i Rtoa Annick Ratsiraka. Nanao antso avo ho an’ny Vahoaka malagasy ihany koa ny tenany mba samy hanefa ny adidiny amin’ny datin’ny 11 desambra ho avy io. Isaky ny dimy taona hoy izy no miverina tanteraka eo am-pelatanan’ny Vahoaka ny fahefana hamaritany ny hoavin’ny Kaominina misy azy. Narahiny fihainoana ny hetahetan’ireo mponina avy amin’ny Fokontany maro ao amin’ny Kaominina Ambavahaditokana izany raha nisy koa ny fifanakalozan-kevitra izay natao. Nandray anjara ihany koa ny lehiben’ny Fokontany teo aloha izay mpikambana Arema ihany koa. Mahatratra 61 moa ny kandida Ben’ny tanàna natolotry ny Arema manerana ny Faritany 6 mandrafitra an’i Madagasikara raha toa ka nahatratra 700 ireo nanam-pikasana.
Pati
Legende : Nandritra ny lanonana notanterahina tamin’ny Sabotsy teo teny Ambavahaditokana Itaosy !
 

Dans la même rubrique

04-juin-2025

Niakatra ny fanjifana tao anatin’ny 2 taona, miakatra 5% isan-taona ny filàna herinaratra,

Card image cap
04-juin-2025

Nisy fiakarany ny fampiasam-bola mivantana avy avy any ivelany (IDE) tamin’ny taona 2024,

Card image cap
04-juin-2025

Fety goavanambe no hotanterahina ao anatin'ny kaominina Ivato, distrikan'Ambohidratrimo

Card image cap
04-juin-2025

Am-pifaliana no ilazàna amintsika fa nanaiky ny fandaminana ny tsena eto Antehiroka

Card image cap
04-juin-2025

Mirongatra be amin’izao fotoana izao ny antsoina hoe «Punaises de lit» na haom-pandriana,

Card image cap
03-juin-2025

May ny tsenan'i Miandrarivo any amin'ny distrikan'i Faratsiho.

Card image cap