FAMONOANTENA

Lohalaharana amin’izany ireo nanana olana tamin’ny vady andefimandriny na ny olon-tiany raha tsy latsa-danja amin’izany ireo tsy mety mahita asa mihitsy na very asa fivelomana. Raha miisa olona 3 mamono tena ohatra dia ny 2 amin’ireo lehilahy avokoa, araka ny fanadihadiana natao hatrany. Vao omaly Talata 29 Aprily ohatra dia lehilahy iray manodidina ny 30 taona mahery no nitsoraka tao ambany fiara semi-remorque ka namoy ny ainy. Nipotsaka mihitsy ny ati-dohany raha araka ny loharanom-baovao azo. Raha araka ny voalazan’ireo nanatri-maso dia efa ny hitsoraka Ratompokolahy teny am-piangonana saingy tafajanona ny mpamilin’ilay semi no sady mikisaka. Raha vantany vao nampiditra vitesse indray anefa ilay mpamily dia nitsoraka fanindroany izy ka izao tafiditra tany ambany kodiarana izao ary namoy ny ainy. Sady nalahelo no tezitra ny ankamaroan’ireo olona nanatrika ity tranga ity. Teo an-daniny nalahelo ilay mpamily izay lasa namono olona tsy fidiny. Teo an-kilany kosa sorena tamin’ilay lehilahy noho izy nahavita namono ny tenany. Na inona na inona mantsy olana tsy maintsy sedraina amin’ny fiainana dia tokony hatrehina hatrany fa tsy sanatria handaozana ny tany tsy amin’ny fotoanany tahaka izao ka hanomezana olana na fahasahiranana ho an’ny hafa indray. Tsy olona iray rahateo no mitondra izany fa samy manana ny anjara hazo fijaliany.
Pati
Legende : Nandritra ilay loza nitranga tetsy amin’ny Fasan’ny Karana !