Hajo Andrianainarivelo

750Ar ny kapoakan’ny vary afaka iray volana sy tapany raha ela Atoa Hajo Andrianainarivelo. « Mpamboly vary aho, fantatro ny masonkarena ! Tsy fizarana vary mora « subventionné » hafarana avy any ivelany no vahaolana fa mila politikan'ny fambolena matotra sy napetraka mialoha raha te ahita vokatsoa. Ny orana tsy misy, ny zezika lafo, ny fitaovana maoderina tsy voavidin'ny tantsaha, ny tambazotra hanajariana ny tanimbary tsizarizary, ny tetibola hanamboarana ny lalana zara raha misy. Izany rehetra izany no mila vahaolana matotra. Indrisy, very 6 taona isika. Tsy misy azo antenaina. Fantany ihany fa tena mahantra farahidiny ny malagasy, indrindra fa ny tantsaha. Ny vahaolana arosony vahaolana sadasada satria tsy mahay mitantana. Ny vahaolana mila imasoana dia ny fampiakarana ny fahefamividin'ny Malagasy », hoy izy omaly.
Toky R