airtel

Actualités

10-mai-2024

IZANY KA PROPAGANDY !

Nivoaka ny trano , mandeha eny an-dalambe eny,

Sample post image

manao dia maika hamonjy taxi-be. Dia mifanena amina andian'olona mizara taratasy kely, mahalala fomba tsara.

10-mai-2024

Itony mba topazo maso kely ihany rams sao mahasoa anao aa… hoy ilay tovovavy. Afaka metatra maromaro tovolahy indray, am-panajana tanteraka ty ry zoky mba asio jery kely aa... Sarin'olona, toa kandida ilay izy miaraka amina soratsoratra mazava tsara… vinany angamba ireo. Tafiditra anaty taxi-be eo anilako eo, mpianaka miady hevitra kely mahare fandaharana amina onjam-peo mandeha ao anatin'ny fiara. Ny hevitra tsy voatery hitovy fa dia mifanaja ry zareo, ndao lesy hiala amin'izay fa tonga isika ah, hoy ilay rainy amin'ilay zanany lahy. Finaritra ery ny maso mitazana ireo peta-drindrina maro loko misy sary… Fampelezan-kevitra tokoa moa kay izao ee... Henjana ilay miasa alina fa mora renoky ny torimaso any anaty taxi-be. Taitra tampoka aho, naneno be ilay akoho teo akaikiko entin'ilay razoky. Mandomando ny lalan-tsaran'ilay betax fa nisy nitondra gony feno anandrano… Mikotaba ny resevera sy ny mpandeha fa hoe nisangôjy ny famerim-bola. Mety ho tara fidirana any amin'ny birao indray angamba fa mitohana ny fifamoivoizana, mibahan-dalana ry mpanao propagandy sady mitabataba be vao maraina... ny azy ireo ihany no fantany, rehefa mba resehana dia hoe karama ny anay ka aza mifampiteniteny fa ianao angaha razoky no hamelona anay a ! Nofy ririnina marina ee... Fa na izany aza manantena fa indray andro any ooo....
Tia Tanindrazana
 

Dans la même rubrique

25-juil-2024

Nandefa taratasy tamin’ireo orinasam-pifandraisan-davitra na « opérateurs téléphoniques »

Card image cap
25-juil-2024

Ela fikenona ny fitondram-panjakana amin’ny fananganana governemanta vaovao,

Card image cap
25-juil-2024

Olana mandavan-taona ny Jirama, izay manamafy sy manaporofo ny tsy fahombiazan’ny Fanjakana Rajoelina.

Card image cap
25-juil-2024

Nofaranana ny talata 23 jolay lasa teo teny amin’ny EPP Ivato Village ny ampahany

Card image cap
25-juil-2024

Maro ireo Malagasy te-hiala mafy amin’ny hofantrano noho ny hasarotan’ny fiainana.

Card image cap
25-juil-2024

Tsy manana fahafahana ny handany volabe hikarakarana trano ny ankamaroan’ireo Malagasy

Card image cap