KAOMININA

Kaominina miisa 6 ao amin'ny distrikan'Ambohidratrimo no fantatra fa notoloran’ny Masoivohon’i Sina fitaovana mitentina 5000 dolara afak’omaly Alarobia 14 Oktobra. Nahitana panneau solaire, batterie, imprimante, ordinateur, sy ireo maro samihafa izany izay mifanaraka amin'ny filàn'ny kaominina tsirairay avy. Tafiditra ao anatin’ny fiaraha-miasan’ireo kaominina ireo amin'ny masoivoho Sinoa izay miasa sy monina eto Madagasikara izany. Tonga nanolotra ireo fitaovana ireo ny solombavambahoaka voafidy tao Ambohidratrimo Johnny Rakotoarisoa ary nanome toky fa tsy hatahorana ny ho fitohizan'ny fiaraha-miasa eo amin’ny roa tonta na dia nisolo aza ny ambasadaoro miasa eto Madagasikara izay handao antsika tanteraka ny datin’ny 26 Oktobra ho avy izao. Tsiahivina moa fa mbola maro amin’ireo kaominina eto Madagasikara no tsy ampy fitaovana. Mitarika ny fahataran’ny asa sy ny tsy fahombiazana maro samihafa izany, antony nanosika ny depiote Jhonny nitady vahaolana.
Pati
Legende : Nandritra ny fanolorana ny fitaovana !