Parking

Ahemotra amin’ny 28 septambra ny fanombohan’ny fandoavana saran’ny parking ho an’ireo kamiao tsy misy entana mizotra mankany amin’ny Seranan-tsambon’i Toamasina, araka ny serasera sy filazam-baovao natao. Ny antony dia ny fanatanterahana ireo fepetra ara-pahasalamana sy ara-piarovana amin’izao fotoana izao. Eny Tsarakofafa, manoloana ny Tobim-pandanjana, no toeram-piantsonana vonjimaika ho an’ireo fiarabe tsy misy entana hihazo ny seranan-tsambo mandra-pahavitan’ny parking lehibe izay vinavinaina ho amin’ny faran’ity taona ity. Handoavana 15 000 Ariary isan’andro isaky ny fiarabe ny fijanonana eo amin’io toerana io manomboka amin’ny 28 septambra. Miantso ireo mpitatitra hanaja ny fandaminana ny SPAT (Société du Port à gestion autonome de Toamasina) mba hanamorana ny fivezivezena sy hanatsarana ny fitantanana ny kamiao ao Toamasina.
Toky R