airtel

Actualités

12-mai-2023

Actualités

Tekinolojia iahiana ny fiainan’ny tantsaha

Sample post image

Miisa 154.000 hatreto no misitraka azy

12-mai-2023

Hahafahana mampihena ny sakana hahazoan’ny daholobe fahasalamana dia misy ankehitriny ny tolotrana tekinolojia ezahana ho tody hatreny amin’ny fiainan’ny tantsaha ny fiantraikany. Araka ny fanazavan’ny mpanorina ny tetikasa izay miantsoroka azy io na ilay antsoina hoe Mtomady na Mobile tomady, Elsa Rajemison, dia miara-miasa amina orinasa maka vokatra aondrana any ivelany izy ireo ao anatin’izany. Ireo orinasa ireo, hoy izy, dia manome tan-tsoroka ara-pahasalamana ho an’ny tantsaha. Ny anjaranay ao anatin’izay araka izany dia mampiditra ireo tantsaha anaty vovonana dizitaly misy anay hifandraisany amin’ny rantsana ahafahany misitraka fitsaboana. Misy ampaham-bola alohan’ireo tantsaha ao anatiny ao fa misy alohan’ireo orinasa kosa. Fantatra ao daholo izany ny lalan’ilay vola nomen’izy ireo hoe ohatrinona ny vola nomeny, avy aiza, iza no tantsaha afa-nisitraka ilay izy sy ny toy izany. Ahafahana manatsara ny tsinjodia tokony atao amin’ny resaka fahasalamana izay. Tekinolojia novolavolaina teto Madagasikara izy ity. Nisy, noho izany, ny fidinana ifotony nijerena ny odidina misy eny amin’ireo tantsaha, ny mikasika ny lafiny tambazotra, ny fahaizan’ireo tantsaha mikirakira ireny hairaha vaovao ireny ary na tsy manana finday azy izy, ohatra, dia omena karatra SIM ary raha amina toerana tsy misy tambazotra dia omena karatra dizitaly ahalalana ny misy azy. Miisa 154.000 izao ireo misitraka ny Mtomady manerana faritra miisa 15 eto amin’ny nosy. Tantsaha ny ankamaroany. Raha ny taona 2018 izahay no nanomboka niara-niasa tamina tetikasa iray miahy ny vehivavy bevohoka dia teo no nitsiry ny hevitra hoe raha misy ny antsoina hoe «mobile money» ankehitriny dia maninona moa raha mba manangana poketra tsy iahiana afa-tsy fahasalamana fotsiny kosa, hoy hatrany ny tenany ?
J. Mirija
 

Dans la même rubrique

13-juin-2024

Voafidy ho filoha lefitry ny Fivoriamben’ny Firenena Mikambana faha-79 i Madagasikara

Card image cap
13-juin-2024

Andrasana toa an’Ambatobevohoka amin’izao fotoana izao ny fepetra

Card image cap
13-juin-2024

Saika mirona any amin’ny fanarahana ny lalao baolina kitra iadiana ny amboaran'i Eoropa

Card image cap
13-juin-2024

Zazavavy kely vao 3 taonja monja no fantatra fa namoy ny ainy vokatry

Card image cap
13-juin-2024

Zazalahy kely iray voalaza ho manana fahasembanana no fantatra fa naolana lehilahy

Card image cap
12-juin-2024

Nipoitra ny marina mikasika ny fidiran’ny Prefe-n’i Mahajanga teo aloha tany am-ponja

Card image cap