Fahasalamana

Hiantohan’ny orinasa misy azy izy ireny raha sanatria tojo tsy fahasalamana fa ny ankoatra izay dia miaina amin’izay hita sy eo am-pelanana avokoa. Tsy mahazo marary araka izany ny 70% fa avy hatrany dia miandry azy ny fahafatesana raha toa ka tsy misy vola. Efa niakatra ho 30.000 Ar rahateo amin’izao ny mizaha fahasalamana eny anivon’ny dokotera tsy miankina, ho an’ny marary iray raha mbola hafa ihany koa ny vidim-panafody. Rehefa tena tojo tsy fahasalamana anefa dia tsy maintsy mandeha ihany. Lasa mitrosa ny 98%-n’ireo marary vokatr’izany, indrindra amin’izao fotoam-pahavaratra izao. Ankoatra ny gripa sy ny kohoka dia mahazo vahana tanteraka ny aretin-kibo vokatry ny fampiasana rano tsy azo antoka. Tsy fo vato ihany koa ireo mpitsabo sasany manoloana izany fa mitsabo maimaim-poana ihany indrindra fa ho an’ireo tena sahirana ara-pivelomana. Ho an’Atoa Mandimbison Rija, tompon’andraikitra voalohany eo anivon’ny Centre Aina Soa dia nambarany fa tsy mora ny manampy ny mpiara-belona. Na dia efa tsy nampiakatra sara-pitsaboana aza mantsy izy ireo dia mbola misy hatrany ireo mifampiraharaha hahafahany mitsabo tena ka tsy maintsy raisina. Tsiahivina moa fa mitsabo amin’ny alalan’ny vokatra natoraly izy ireo ka ankoatra ny voankazo sy ny legioma dia mampiasa karazana ravin-kazo efa nanaovana fikarohana manokana ihany koa izy ireo.
Legende : Atoa Mandimbison Rija, tompon’andraikitra voalohany eo anivon’ny Centre Aina Soa
Pati