Fizaham-pahasalamanana

Ny ankoatra izay dia tsy maintsy mandefitra avokoa eny fa na dia ny fitsaboan-tena aza. Mila manana hatramin’ny 50.000 Ar any am-paosiny mantsy ny marary iray vao afaka manatona mpitsabo tsy miankina iray raha te-hahazo fahasalamana. Mbola ankoatra io vola aloha io ny vidim-panafody sasany raha betsaka ireo ilaina. Manoloana izany dia nisy ny fizaham-pahasalamana maimaim-poana notanterahina teny amin'ny EPP Ankadikely-Ilafy ny Sabotsy teo. Niarahana tamin’ny Ministeran'ny Fahasalamam-bahoaka sy ny CSB II Ankadikely Ilafy izany ka olona an-jatony no tonga nidodododo namonjy izany raha araka ny vaovao azo. Fizaham-pahasalamana amin'ny ankapobeany, fanabezana aizana ary fitiliana ireo zaza tratran'ny tsy fanjarian-tsakafo no tolotra nomena nandritra izany. Nambaran’ireo mpahazo tombontsoa moa fa tena ilaina tokoa ny fifanampiana sy fifanohanana tahaka izao noho ny halalin’ny fahasahiranam-bahoaka ankehitriny.
Pati
Legende : Nandritra ny fizaham-pahasalamana natao !