tia tanindrazana

Parution du Vendredi, 25 Novembre 2022

airtel

Fahasalamana

Tazomoka Namono olona 547 tamin’ny 2021

Tontosa omaly maraina ny fanombohana ny fikaonan-doha siantifika mikasika ny fahasalaman'ny Reny sy ny Zaza ary ny ady amin'ny aretina tazomoka.Amin’ny ankapobeny mantsy dia mbola mamono olona maro ity aretina farany

28-sept-2022

Sample post image

indrindra fa any amin’ny faritra, antony tsy maintsy hanaovana ezaka manokana. Zava-dehibe ho an'ny fahasalamam-bahoaka ny fisian'ny hetsika goavana toy izao, izay fotoana iray nifampizarana ireo voka-pikarohana sy ireo vokatra azo tamin'ny fampiharana isan'ambaratongany. Nahatratra 547 ny olona matin’ny tazomoka teto Madagasikara ny taona 2021. Nisy fihenana mitaha ny taona ny tamin’ny taona 2018 izay nahatratra 927, saingy na nihena aza dia tena mampivarahontsana ny mandre izany. Mitombo ny olona voan’ny tazomoka eto Madagasikara tao anatin’ny 5 taona satria hamaivanin’ny olona izany. Ny taona 2016, niisa 475 599 no voa, kanefa tafiakatra avo roa heny satria nahatratra 1 950 471 izany ny taona 2020, ary mbola avo roa heny ny 2021 satria nahatratra 2 345 584. Mampitombo ny tazomoka etsy andaniny ny fiovaovan’ny maripana, indrindra any amin’ny distrika miisa 50 ka hatramin’ny 60 izay tena hanjakan’ny tazomoka eto Madagasikara, ka isan’izany ny tapany atsimo sy andrefana iny. Rehefa mangatsiaka ny andro somary malefaka ny kaikitry ny moko, fa tena mahery vaika kosa rehefa somary mafana ny toetry ny andro. Isan’ny olana ny tsy fahalainan’ny Malagasy mampiasa lay misy odimoka na misy aza aza ny fizarana efa ho isam-baravarana. Nizara hatrany amin’ny 15 tapitrisa tamin’ny taon-dasa, ary vao tsy ela nizara iray tapitrisa tany amina distrika iray. “Tsy misy mazia mazia satria natao ho fiarovana ny ain’ny olona ny lay misy odimoka, kanefa misy mampiasa izany ho tranon’akoho amam-borona any ambanivohitra, raha izy olombelona no tokony hisitraka izany”, hoy ny Minisitry ny fahasalamana Pr Zely Arivelo Andriamanantany. Haharitra telo andro moa ny fikaonan-doha ara-pahasalamana mikasika ny tazomoka, ka manam-pahaizana manokana (spécialistes) eo amin'ny sehatry ny fahasalamana maro no hizara ireo voka-pikarohany sy ireo traikefa tsara azony mandritra izany.
Toky R
 

Dans la même rubrique

Card image cap
Rasazy Mbolatiana Mirah “Tsy misy zava-manjary anaty fiarahamonina tsy salama”
25-nov-2022

Toerana iray fikarakarana ny reny sy ny zaza ny atao hoe “cabinet d’accouchement”, hoy ny tomponandraikitra voalohan’ny “cabinet d’accouchement” iray etsy Namontana, Ramasiharilala Mbolatiana Mirah.

Voir plus