airtel

Fahasalamana

30-avril-2024

TETIKASA MAHITA –HOPITALY HJRA

Ankizy am-polony nozahana maso maimaimpoana

Sample post image

Ankizy am-polony latsaky ny 15 taona no nozahana maso maimaim-poana omaly Alatsinainy 29 Aprily

30-avril-2024

tetsy amin’ny hopitaly HJRA Ampefiloha. Raha tsiahivina tokoa dia mihabetsaka ireo olona marary maso ankehitriny indrindra fa ny ankizy. Ankoatra ny filalaovana finday ela loatra izay mihoatra ny 05 ora isan’andro ho an’ny ankizy dia anisan’ny antony mahatonga ny maso harary ihany koa ny fijerena fahitalavitra diso tafahoatra sy ny fiaretan-tory amin’ny jiro. Efa mahatratra 20.000 Ar anefa ny mijery maso fotsiny amin’izao eny anivon’ny dokotera tsy miankina iray raha manodidina ny 100.000 Ar kosa ny vidina solomaso iray na ho an’ny ankizy na ho an’ny olon-dehibe. Noho io antony io indrindra no nanosika Tetikasa MAHITA izay vatsian'ny CBM Global Disability Inclusion - Madagascar vola sy ny hopitaly HJRA Ampefiloha hifanome tanana. Notsiahivin’ireo mpitsabo maso omaly moa fa saropady tokoa ny maso ary tsy tokony hatahotra ny rehetra hanatona mpitsabo raha vantany vao misy tsy metimety na hiandry ny aretina ho lasa lavitra vao hikoropaka. Misy mihitsy hoy izy ireo ireo olona manana olana ao anaty masony ao nefa tsy fantany akory, antony ilana ny fizahana maso. Tsiahivina fa manana ny sampandraharaha misahana ny maso na ilay"service ophtalmologie" ny hopitaly HJRA Ampefiloha izay azo hatonina tsara rehefa misy olana. Pati
Legende : Marobe tahaka izao ireo ankizy tonga nizaha maso tetsy amin’ny hopitaly HJRA omaly !
 

Dans la même rubrique

24-juil-2024

14 taona tamin’ny volana martsa teo izao no nijoroan’ny Manda Bio Santé, hoy ny tompony

Card image cap