airtel

Fampianarana

27-déc-2022

Fampianarana

Fanabeazana ho amin’ny fandriampahalemana Tontosa teny Andoharanofotsy ny « Peace Camp »

Sample post image

Notontosaina teny amin’ny École le P’tit Pré Andoharanofotsy miaraka amin’ny mpianatra miisa 200 teo ny faran’ny herinandro iny ny “Peace Camp” na lasin’ny fandriampahalemana ho famaranana ny taom-pianarana.

27-déc-2022

Nampitaina tamin’ny endrika lalao sy hetsika fanabezana ny lesona miisa12n’ny “Education à la Paix” na fanabeazana ho amin’ny fandriampahalemana, hoy ny fampitam-baovaon’ny rafitra iraisampirenena misehatra amin’izay resaka fandriampahalemana izay na HWPL. Nozaraina ekipa miisa 12 izany ireo mpianatra ary nifampizara sy nandray lesona mahakasika izany. Ny tanjon’ity hetsika ity dia ny hahafahan’ireo mpianatra mandray ny kolontsainan’ny fandriampahalemana ho lova entina manavao sy manatsara ny tontolo misy azy ireo. Amin’ny alalan’ireo lohateny tahaka ny “Fo feno fankasitrahana”, “Fanajana ny zokiolona”, “Ny fanomezana hasina ny harem-pirenena sy ny vakoka ary ny mahaolona”, “Ny lanjan’ny fifandeferana” sy ny maro hafa no nanatanterahana izany, hoy hatrany ny fanazavana. Raha tena mandinika isika dia tsy tokony hisy akory ny ady na ny fifandrinana raha tena azontsika ny dikan’ny fandriampahalemana sy ny lanjany, hoy ny mpianatra iray avy amin’ny kilasy faharoa eo anivon’ity sekoly tsy miankina ity. Nisy ihany koa ny hetsika sosialy notontosain’ny Ecole le P’tit Pré izay fizarana ho an’izao akatoky ny fety izao ho an’ireo olona sahirana teo amin’ny fonkotany manodidina mba hampianarana ireo mpianatra ny fitiavana manome sy mitsinjo ny hafa izay anisan’ny soatoavina vohizina ao amin’ny lesona faha dimin’ny « Education à la Paix », hoy hatrany ny fampitam-baovao.
J. Mirija
 

Dans la même rubrique

24-juil-2024

Mampiaka-peo manoloana ny olana samihafa miverimberina ny mpianatry ny oniversiten’Antananarivo

Card image cap
24-juil-2024

Anisany mpandray anjara tamin'ny hetsika Madagascar school Fair teny amin'ny Radisson Blu

Card image cap
24-juil-2024

Hafakely ny tranga nandritry ny fanadinana bakalorea tany Ambositra ny andro voalohany,

Card image cap
23-juil-2024

Tsy nivaha ny olan’ireo mpianatra 29 mianadahy tany Toamasina, ka tsy afaka niatrika ny fanadinam-panjakana

Card image cap
23-juil-2024

Mampahatsiahy ny fanehoan-kevitrana filohana antoko politika iray vao haingana hoe efa

Card image cap
23-juil-2024

Mpianatra miisa 3 tao Mandritsara nanomboka omaly Alatsinainy 22 Jolay no

Card image cap