Salon Des Etudes Supérieures faha-22

mpianatra Malagasy vao afa-panadinana Bakalorea izy ireo isaky ny vanim-potoana tahaka izao. Hanoro, hanosika ary hanome fahalalana ireo mpianatra mikasika ny lalam-piofanana tokony hoarahiny aorian'ny fahazoany ny mari-pahaizana Bakalorea no tena tanjon'izy ireo ka amin'ity andiany faha-22 ity dia hiarahany amin'ny ONG HARI izany, etsy amin'ny lapan'ny kolontsaina sy ny fanatanjahantena etsy Mahamasina. Ny datin'ny 02 sy ny 03 Septambra ho avy izao no hanatanterahana izany ahitana sekoly ambony hatrany amin'ny 80 isa raha mahatratra hatrany amin'ny 100 kosa ireo trano eva handray anjara. Hisokatra manomboka amin'ny 09 ora maraina ka hatramin'ny 05 ora hariva isan'andro ny vavahady ka 2.000 Ar no saram-pidirana amin'izany. Hivoaka mandritra ireo fotoana ireo ihany koa ny Guide des études de formation de Madajeune andiany faha-24 hampahafantarana ireo sekoly ambony miisa 50 ao anatiny ny lalam-piofanana hatolony sy ny mombamomba azy. Mpitsidika hatrany amin'ny 5.000 isa no andrasana mandritra ireo roa andro ireo, raha araka ny fanazavan'ny tompon'andraikitra.
Pati
Légende : Hifanotofan'ireo tanora mpianatra tahaka izao hatrany ny Salon des études Supérieures isan-taona !