Asan-jiolahy teny Behoririka Maty voatifitra ilay « coursier » avy naka vola 130 tapitrisa Ar

teny Behoririka omaly maraina tokony ho tamin’ny 11 ora atoandro. Raha araka ny vaovao azo avy amin’ny polisim-pirenena dia avy naka vola 130 tapitrisa Ar teny amin’ny Banky BNI Antsahavola ity tovolahy ity ary nandeha moto. Heverina ho efa nanam-baovao ireo jiolahy ary nahalala ny lalany koa dia nanaraka azy ; raha ny fantatra mantsy dia tokony hanatitra vola ao amina Cash point iray ao Behoririka ity « coursier » ity. Nitifitra avy hatrany ny lohany sy ny tendany , rehefa tonga teny Behoririka no sady naka ny sakaosy nisy ny vola teny aminy ireo jiolahy . Mbola nanao tifi-danitra ihany ireo olon-dratsy vao nitsoaka nandritra izany. Nentina teny amin’ny tranom-patin’ny HJRA Ampefiloha avy hatrany moa ny razana. Vehivavy iray hafa ihany koa no fantatra fa naratra teo amin’ny sorony ary efa nentina hopitaly. Marihina fa anisan’ireo niketrika ity fanafihana ity i Davidabe ilay maty voatifitry ny SAG teny Tsiadana omaly. Nangonin’i Pati Legende : Niparitaka tahaka izao ny ra teny Behoririka teny