Fandriampahalemana

distrikan’Anjozorobe, izay nisiana fandorana biraon’ny zandary taorian’ny tsy fifankahazoana noho ny fahafatesana lehilahy iray notifirin’ny zandary voalaza fa niaro tena. Tranga roa samihafa no ny tetsy Namontana nisiana mpangalatra moto tratran’ny olona omaly, ka voadaroka, ny ainy sisa tsy afaka vokatry ny fitsaram-bahoaka. Toy izany ihany koa ny tetsy Andraisoro izay nataon’ny olona nahita faisana mihitsy omaly. Mitamberina misy mampahatsiahy ihany koa ireo sarina mpamaky fasana nampiombozonin’ny olona karan-doha tany Anivorano Avaratra efa tamin’ny volana jona, saingy nentina naneho fa tena tsy mihambahamba amin’ny fitsaram-bahoaka indray ny olona. Ekena ary tohanana ny hoe: ilaina ny fiaraha-miasa eo amin’ny vahoaka sy ny mpitandro filaminana. Izay foana no resahina hoe: mila miara-miasa ny fokonolona sy ny mpitandro ny filaminana, izay indraindray toa lasa midika hoe fianteherana amin’ny fokonolona, kanefa misy ny mpitandro filaminana matihanina sy mandray karama isam-bolana amin’ny amin’izany sy afaka tonga dia miditra an-tsehatra haingana dia haingana, fa tsy ianteherana lava amin’ny fokonolona. Ny loza dia misy fotoana lasa manapa-kevitra ny hanao izay hitany fa mety amin’izay ilay fokonolona satria zary miantehitra amin’ny afo lavitra tsy azo hamindroana. Tsy fanenjehana ny mpitandro filaminana sy manam-pahefana fa ny ahiahy hafa manginy fotsiny toy ny hoe: ho votsotra indray izao io vao alefa any,…. Mila alamina, mila rindran-damina mazava ny fampandriana fahalemana na ambanivohitra na an-tanàn-dehibe, mila fifampatokisana,… Isan’ny zava-dehibe tsikaritra eto Antananarivo amin’izao aloha ny fisiana mpitandro filaminana izay tena miditra anaty tanàna rehefa alina, toy ny hita tamin’iny faritra Ampandrana iny, izay sady manampy no manome toromarika amin’ny fahamailoana.
Toky R