tia tanindrazana

Parution du Vendredi, 25 Novembre 2022

airtel

Fandriampahalemana

Mpangalatra tamana any am-ponja Misy tsy te-hisasatra sy tsy te hiasa saina intsony

Raha toy ny helo faharoa ny fijerin’ny rehetra ny fiainana any am-ponja amin’ny ankapobeny dia tena fiaraha-monina mirindra sy milamina ny any ho an’ireo mpanao ratsy sasany.

12-mai-2022

Sample post image

Toa satrin’izy ireny mantsy hijanona hiaina eny anivon’ireny toeram-pamonjana ireny toy izay hiverina hiara-hirihariha amin’ny fianakaviany. Raha araka ny resaka nifanaovana tamin’i Jao, tovolahy iray mpanao hala-botry ary efa in-telo niditra teny Antanimora dia aleo mijanona eny. Eny aho hoy izy tsy mieritreritra izay sakafo hanina isan’andro fa mihinana foana na mangahazo aza. Eny koa aho hoy izy mana-namana ary mba misy mihaino ny fitarainako. Efa kamboty Ray sy Reny mantsy i Jao ary nipetraka taman-kavana. Raha araka ny fanazavany dia sady matin-draharaha izy nefa kely ny sakafo omena azy, antony nanosika hangalatra. 18 taona i Jao no nanomboka nangalatra ka niantomboka tamin’ny kisoan’olona teo an-tanana izany izay saika namoizany ny ainy tokoa noho ny vono nahazo azy. Tamin’ny voalohany hoy izy dia tena mafy ilay niditra teny Antanimora. Niezaka ny ho hendry aho hoy izy mba hiverenako eny anivon’ny fiaraha-monina saingy tapitra nanilika ahy avokoa ireo havako rehefa nivoaka aho ka naleoko ihany nangalatra dia niverina teny am-ponja. Nomarihin’i Jao moa fa hahalalana zavatra betsaka eny am-ponja. Anisan’izany ny tantaram-piainan’olona maro isan-karazany, ny anatra entin’ny fiainana, nefa hita any ihany koa hoy izy ilay tena fifankatiavana misy eo amin’ ireo voafonja izay tena mifampitondra toy ny mpirahalahy tokoa na mpianaka mihitsy ny sasany. Na izany aza anefa dia nambaran’ny psikology iray fa anisan’ny olana ara-tsaina mety mahazo ireo olona mifonja ihany koa ny tahaka izany ho an’ny sasany.
Pati
 

 

Dans la même rubrique

Card image cap
Fanafihana mpambongady 7 lahy matin’ny polisin’ny SAG teny Anosibe
25-nov-2022

Nirefodrefotra tsy nifankahitana ny feom-basy teny Anosibe akaikin’ny Pharmacie Volahanta omaly tokony ho tamin’ny 7 ora hariva teo.

Card image cap
Raharaha fitifirana ny ben’ny tanàna Tsy nisy tohiny, tsy re izay fanadihadiana
25-nov-2022

Ny alahady 13 novambra lasa teo ny nilazan’ny ben’ny tanànan’Antananarivo tamin’ny tambazotran-tserasera, fa nisy saika hamono tamin’ny alalan’ny fitifirana. “

Card image cap
ISOTRY Nahatrarana lame maromaro ilay mpangarom-paosy
25-nov-2022

Lehilahy miisa roa 18 taona sy 27taona no saron’ ny Polisin’ny UIR tetsy Isotry omaly rehefa nangarom-paosy.

Card image cap
Fisolokiana eny amin’ny “cash point” Vehivavy karana iray voasambotra
24-nov-2022

Vehivavy iray voalaza fa teratany karana no voasambotra teny Anosy Avaratra Distrikan’Antananarivo Avaradrano, taorian’ny fisolokiana avo lenta tamin’ny alalan’ny fakana vola tamin’ireny « cash point » ireny.

Voir plus