Mpifoka rongony teny

Tovolahy miisa telo no indray saron’ny zandary tao Ankadiefajoro, Fokontany Morarano, kaominina ambanivohitra Andoharanofotsy ny 08 Jona lasa teo. Raha ny vaovao azo dia nisy nampilaza ny zandary mpanao fisafoana tokony ho tamin'ny 08 ora alina. Tonga teny amin'ny toerana voalaza avy hatrany ny zandary ka hita teo amin'ilay toerana tokoa ireo tovolahy miisa telo voalaza ireo. Ankoatra ny rongony izay nofohan'izy ireo dia mbola nahatrarana fonosan-drongony miisa 16 fonosana miaraka amin'ny taratasy fifohana rongony tao anatin'ny Moto izay nentin'izy ireo. Fandikan-dalàna moa izao nataon'izy ireo izao koa tazonina noho izany izy ireo hatao famotorana sy fanadihadiana.
Pati
Legende : Ireto izy telolahy sy ilay moto nisy ilay rongony !