Fandriampahalemana

Tokony ho tamin’ny 01 ora tolakandro no voasambotra izy, lehilahy manodidina ny 25 taona, rehefa tratra teny aminy ny sarety taritin-tanana iray izay fantatra fa very tamin'ny Alahady teo. Nanomboka ny fikarohana avy hatrany ny Polisy rehefa nametraka fitoriana mahakasika io fahaverezana sarety io ny tompony. Tamin’io afak'omaly alarobia io araka izany no hita tao amin’ny tsenan’Anosibe ilay sarety ary lehilahy iray mpitaon’entana ao ihany no naka ilay sarety. Tokony ho tamin’ny 04 ora tolakandro kosa no voasambotra ny lehilahy faharoa, 33 taona. Mpitaona entana ihany koa ity lehilahy ity. Tamin’io fotoana io dia vary iray gony, izay nasaina notaominy no nentiny naviliny lalana ka nafeniny. Manoloana izany fahaverezan’entana izany dia niantso Polisy ilay tompony. Nokarohana avy hatrany ilay lehilahy ka hita afaka fotoana fohy. Izy ihany avy eo no nanondro ny toerana nanafenany ilay vary 01 gony. Samy nentina nanaovana fanadihadiana eo anivon’ny CSP5 Mahamasina ireto roalahy voasambotra ireto.
Pati
Legende : Ireto izy roalahy