tia tanindrazana

Parution du Mercredi, 28 Septembre 2022

airtel

Fifamoivoizana

Afera solika hosoka Hanjavona toy ilay volamena 36 kg ny marina ?

Nisaotra ny rehetra nanome tànana sy ny zandary izay niezaka nikaroka ireo tompon’antoka tamin’ny solika hosoka tratra tany Toamasina ny Sekreteram-panjakana miadidy ny zandarimariam-pirenena Jeneraly Serge Gellé omaly. "…

22-sept-2022

Sample post image

Tratra izy io, tsy vita iray andro ny fanadihadiana amin’ny zavatra ngeza tahaka ireny, ary ny mpanao ratsy efa nanomana an’io an-taonany, ka nambarany fa tsy vita vetivety ny fanadihadiana. Iza no “patron”? Izahay ihany koa mba mila mahafantatra an’izany, hoy izy, izay naneho fa any Toamasina ny Minisitry ny fitsarana manaraka akaiky ny raharaha. Izay milaza fa simba fiara vokatr'izao fanapohana izao dia mametraha fitoriana, tokony manatona eny amin'ny toby Ratsimandrava manao fitarainana, hoento ny porofon’ny “mécanicien”, fa tsy azontsika avela amin’izao, manimba fananan’olona, manimba firenena…,” hoy ny SEG Jeneraly Serge Gellé. Efa tena tafiditra ao anatin’ny antsoina hoe: “sabotage économique” na gafy goavana ara-toekarena goavana ny raharaha fanapohana solika. Zava-doza tsy mbola nisy tao anatin’ny 60 taona, miantraika any amin’ny fihariana sy ny fiainana ara-tsosialy, endriky ny tsy fahafehezana ny raharaha stratejika be, famosaviana ny firenena miharihary, kanefa nahoana ny Fanjakana no tsy mandray fanapahan-kevitra momba ny tobin-tsolika mety nahitana izany? Nahoana no tsy voakitikitika sy tsy voaresaka firy ny orinasa mitatitra sy ny tompony izay ahiana ho manova sy manapoka ny solika mialohan’ny hanaterany azy? Aahiana ho mifandray tamin’ny raharaha solika 64000 L nanjavona teo anivon’ny Jirama io. Niharihary loatra ny fahabangana ary sarona, ka mety soloina akora hafa mba ho “citerne” feno ihany no aterina, avy eo simba matetika ny milina, tsy mety foana ny delestazy,… Orinasa mpitatitra solika ana vadina depiote IRD no voatonontonona tamin’ireny ka asa na tahotry ny ho fahafaham-barakan’ny Fanjakana dia nampanginina ny afera, ka na ireo pirina voasambotra aza toa noafahana. Misy anarana olona ambony voatonontona ho atidoha, misy namana olona ambony voatonontonona,… izay tsy voatery ho meloka, saingy mety hitombina ny ahiahy, raha tarafina amin’ny zava-nisy hatrizay. Raha olon’ny mpanohitra na misy rohy aminy, vao fikasana dia efa mety tratra! Tombanana ho ny pirina hatrany no voahendy, fa ny trondro vaventy miriaria. Itony kosa toa mahakely finoana hoe: ho tratra ny tena trondro vaventy. Ahiana ho tahaka tahaka ilay volamena 36kg nanjavona tao amin’ny Minisiteran’ny harena an-kibon’ny tany ihany ka na misy aza ny olona ambony toa tsy tokony ho afa-miala tsy tokony ho afa-maina dia tsy izay ny sary miseho.
Toky R
 

Dans la même rubrique

Card image cap
Mpiasan’ny ASECNA Niverina niasa saingy…
28-sept-2022

Efa niverina niasa avokoa nanomboka nanomboka ny talata teo ny mpiasa rehetra eo anivon’ny ASECNA (Agence pour la Sécurité de la Navigation Aérienne en Afrique et à Madagascar) ho an’ny eto Madagasikara,

Card image cap
Manamafy ny minisitra Solika manara-penitra no afaran’i Madagasikara
23-sept-2022

Naneho ny heviny mikasika ireo solika mitapoka hamidin’ny sasany etsy sy eroa ny Ministry ny angovo sy ny akoran’afo Andry Ramaroson omaly tetsy Fiadanana.

Card image cap
Ambatotokana Antanetibe Antehiroka Mitoka-monina tanteraka vokatry ny haratsian-dalana
23-sept-2022

Anisan’ny tanàna nitoka-monina tanteraka ny faritra Ambatotokana Fokontany Antanetibe Antehiroka, kaominina Antehiroka hatramin’izay.

Voir plus