Fiaramanidina kely nianjera

Besakoa Mahajanga II omaly 24 aogositra 2023 omaly tolakandro tamin’ny 3ora sy 15 minitra teo. Niainga tao Besakoa Mahajanga II izy ity, saika hiazo an'i Moramba, toeram-pizahan-tany amin'ny tapany avaratr'i Mahajanga, izay mbola tsy fantatra mazava ny antony. Nianjera ilay fiaramanidina io izay marihina fa nitondra olona 5, ka nirehitra avy hatrany. Avotra ny olona miisa 4, fa ny mpanamory mpanampy antsoina hoe Razafimaharavo Alain Andrianandraina no namoy ny ainy tavela may niaraka tamin’ilay fiaramanidina. Andrasana ny mety ho akony satria isan’ireo avotra soa aman-tsara ny mpanamory izay Ramiarijaona Gaël no anarany, raha ny vaovao niparitaka omaly. Tamin’ity taona ity izany, dia nahatratra 3 teo ny lozam-piaramanidina satria ny volana janoary dia nisy iray izay namoizana olona iray tany amin’ny faritra Alaotra-Mangoro , nisy iray hafa tany Toliara izy izay taorian’io, ary ity omaly ity indray izay namoizana ain’olona.
Nangonin’I Toky R