Fifamezivezena eto Antananarivo

hoy ny avy eo anivon’ny SMGD na “Société Municipale de Gestion Digitale”, izay orinasa misahana ny fifamoivoizana eto amin’ny Kaominina Antananarivo renivohitra na KAR nampahatsiahy omaly. Hitombo arak’izany koa ireo fiara hifamoivoy, hoy izy ireo. Tokony hitombo mifanaraka amin’izay ihany koa ny fanajàna ireo lalàna mifehy ny fifamoivoizana sy ny fiantsonana amoron’ny arabe. Fihetsika iray tsy voatandrina dia mety hiteraka fitohanam-be ka hitondra fahasahiranana ho an’ny mpampiasa lalana an-jatony maro. Raisinay ho adidy ny mampahatsiahy ireo fahazaran-dratsy mila ialàna raha hiandrandra filaminana. Matoky ny fahatsapan-tenan’ny tsirairay izahay ka tsy hiandry sazy vao hanara-dalàna, hoy hatrany ny SMGD. Voarara ny miantsona ambony “trottoir” na fandehanan’ny mpandeha an-tongotra, miantsona amin’ny toerana efa misy takela-by fandrarana, toerana mampidi-doza toy ny anaty fiolanana sy sampanana, fiantsonana mihoam-pefy isan-karazany toy ny ivelan’ny faritra voasoritra, afovoan’ny arabe, manoloana vavahady sy ny toy izany rehetra, hoy ny fampahatsiahivana.
J. Mirija