tia tanindrazana

Parution du Mercredi, 28 Septembre 2022

airtel

Fifamoivoizana

Fitaterana anabakabaka Higrevy ny ASECNA ny 23-25 septambra

Namoaka fampahafantarana fanavaozana ny fanaovana fitokonana izay efa nampahafantariny ny 15 aogositra 2022 teo indray ny rantsan’ny ASECNA (Agence pour la Sécurité de la Navigation Aérienne en Afrique et à Madagascar)

22-sept-2022

Sample post image

ka nametraka izany eo anivon’ny rantsan’ny ASECNA eto Madagasikara. Hiroso amin’ny grevy mandritra ny 3 andro, ary efa nifanekeny tamin’ireo Sendika rehetra miatsoroka ny fandrindrana ny fifamoivoizana an’habakabaka mpikambana eo anivon’ny ASECNA, izay mandrindra sy mandamina amin’ny ankapobeny ny ankamaroan’ireo sidina eto Afrika sy Madagasikara. Nampahafantarina ny rehetra fa hiato ny asan’izy ireo eto Antananarivo, Toamasina, ary Mahajanga ny zoma 23 septambra amin’ny 08h00TU hatramin’ny 25 septambra 2022 amin’ny 7h59TU, ary hitohy mandrindra ny fotoana tsy voafetra raha toa ka tsy misy ny vahaolana entin’ny tompon’andraikitra eo anatrehan’ny krizy. Mandritra io fotoana io, hapitsahatra ny asany avokoa ireo “Contrôleurs aériens” tompon-draharaha any amin’ireo seranam-piaramanidina iandraketany sy any amin’ireo ivon-toeram-paritra samihafa. Raha fehezina dia tsy misy fiaramanidina afaky ny hanatanteraka sidina raha tsy manao ny asany ny ASECNA. Hisy kosa ny fiandrasan-draharaha ho an’ny sidina ho an’ny Filoham-panjakana sy governemanta, ny sidina ara-miaramila, ny fitondrana marary makany ivelany, ny sidina misy antony goavana amin’ny mahaolona, ny sidina momba ny famonjena loza. Raha hiverenana, isan’ny notakian’izy ireo ny fampiakarana ny fanasokajiana arak’asa ho “G1” ny Contrôleurs aériens rehetra, fanavaozana momba ny “prime de licence”, fanatsarana ny fomba fikajiana ny tombon’ora iasana, “réforme du plan de carrière”, “revalorisation des heures de nuit”,… Tsy afa-po tamin’ny valin’ny fitakiana 8 nataony ny ASECNA. Naneho fa fandrahonana sy fanaratsiana, ary fanasoketana sy mari-pototra no setriny avy amin’ny Diréction Générale any Dakar sy eto an-toerana, ary naneho ireo Contrôleurs aériens Malagasy fa lasibatry ny politikam-pampandohalihan’ny Tale Jeneraly hatramin’ny nandraisan’ity farany ny asany ny 2017. Toky R Sary fanehoana
Entrer
Toky

 

Dans la même rubrique

Card image cap
Mpiasan’ny ASECNA Niverina niasa saingy…
28-sept-2022

Efa niverina niasa avokoa nanomboka nanomboka ny talata teo ny mpiasa rehetra eo anivon’ny ASECNA (Agence pour la Sécurité de la Navigation Aérienne en Afrique et à Madagascar) ho an’ny eto Madagasikara,

Card image cap
Manamafy ny minisitra Solika manara-penitra no afaran’i Madagasikara
23-sept-2022

Naneho ny heviny mikasika ireo solika mitapoka hamidin’ny sasany etsy sy eroa ny Ministry ny angovo sy ny akoran’afo Andry Ramaroson omaly tetsy Fiadanana.

Card image cap
Ambatotokana Antanetibe Antehiroka Mitoka-monina tanteraka vokatry ny haratsian-dalana
23-sept-2022

Anisan’ny tanàna nitoka-monina tanteraka ny faritra Ambatotokana Fokontany Antanetibe Antehiroka, kaominina Antehiroka hatramin’izay.

Voir plus