Fifamoivoizana

Efa misasaka mihitsy ny arofanin’n' tetezana eo radier voalohany ary efa any amin’ny faritra mena ny haavon’ny rano eo amin’ny poteaux de balisage. Mbola mitohy hatrany arala izany ny fanavotana ireo mpiray tanindrazana hataon'ny zandary sy ny Polisy hatramin’ny omaly hariva fotoana nanoratanay. Tsiahivina fa efa tafakatra 456 ny isan’ireo traboina ao Ankaraobato. Manodidina ny 40 isa ireo efa nafindra ao amin’ny tranom-pokonolona. Ny tena olana moa dia misy ihany ny trano hitoeran’ireo traboina saingy ny hanina hohaniny no tena olana koa hanaovan’izy ireo antso avo amin’ny birao nasionaly misahana ny loza voajanahary. Efa potika sy rava avokoa moa ireo fambolena ao an-toerana amin’izao fotoana izao ka tsy misy azo antenaina intsony.
Nangonin’i Pati