airtel

Fifamoivoizana

07-mars-2022

Fifamoivoizana

Lalan-dratsy eto Antananarivo Miteraka fatiantoka ho an’ireo taxi be

Sample post image

Samy misedra olana avokoa ireo fiara fitateram-bahoaka rehetra eto an-drenivohitra na ny fiara karetsaka na ny taksibe vokatry ny lalana maro simba.

07-mars-2022

Mitovy avokoa anefa ny olana mijandy amin’izy ireo hoan’ny fiara karetsaka aza dia sahy milaza izy ireo fa nihena ny fampidirana solika ataon’izy ireo izay 4 ka hatramim’ny 5 litatra ao anatin’ny roa andro raha misy ny mpandeha maka azy ireo amin’ny toerana ijanonana. Nilaza mantsy ny mpamily fiara karetsaka iray fa nihena ny mpandeha nohon’ny fahasahirana olona ka betsaka ny olona no misakafidy mandray taksibe. Tsy zakany ny fahefam-bidy ny tsirariary intsony ny saran-dalana ireo fiara karetsaka. Ho azy ireo dia zara raha mahita 15 000 ariary isan’andro izy ireo izay mbola miampy ny solika ampiasaina . ny vidina kojakoja ireo fiara koa izay voalaza ireo mpamily fa niakatra toy ny kodiarana izay efa tafakatra 90 000 ariary izay kodiarana efa avy nampiasaina. Ny menaka ataon’ireo milina ihany koa hoy ireo mpamily fiara karetsaka dia nahitam-piakarany avokoa. Manoloana ireo lalana ratsy izay miteraka fitohanana dia voatery mampitombo ny solika ampiasaina ny fiara karetsaka satria mandany ny tsy famonohana motera ao anatin’ny fitohanana. Ireo mpitatitra ny taksibe dia nilaza indray fa in-efatra isan’andro izy ireo no miodina mitatitra mpandeha raha nihoatra izay teo aloha satria mitovy amin’ny fahasimbana mahazo ireo fiara karetsaka ihany no mahazo azy ireo. Ny ‘melle sy ny ressort’ no matetika soloina ho an’ireo taksibe izay niakatra izy io amin’ny magazay hoy hatrany izy ireo. 12 000 ariary isaky ny mitatitra ny gazoala ampidirina ho an’ny fiara taksibe. Fatiantoka no mianjady amin’ireo fiara fitateram-bahoaka. Ny lalana eny Ankazomanga no tena mampikaika ireo mpamily ; tena henjana ny fitohanan’ny fiara eny ka mety ho lany hatramin’ny ora iray. Ireo kodiaran-droa aza dia efa misisika sy tsy mandalo amin’ireo toerana ahitana ny fahapotehin-dalana betsaka ary manivaka. Ny fahasimban’ny ‘amortisseur’ no tena matetika voa amin’ny moto. Mitombo arak’izany ny fandanian-bola mivoka isam-bolana ho an’ny manana fitaovam-pitaterana rehetra manomboka nisian’ny fahasimban-dalana izay ny kojakoja mifandraiky aminy tsy maintsy ho vidina mba afahana manohy indray ny asa andavanandro.
Tolin
 

Dans la même rubrique

18-juil-2024

Hampiasa ny rindram-baika na « logiciel » antsoina hoe : E-Tsirika ny eo anivon’ny DGSR

Card image cap
18-juil-2024

Ny lalana RNT8 A mampitohy ny distrikan’Antsalova sy Maintirano hatreto no anisan’ny lalana

Card image cap
17-juil-2024

Ao anatin’ny fametrahana ny rafitra ny fandidiana hitrandraka ny teleferika na ny TPC Antananarivo

Card image cap
17-juil-2024

Nidina ifotony nijery ireo asa fanamboaran-dalana vita tany amin’ny lalam-pirenena fahaefatra

Card image cap