airtel

kolontsaina

27-oct-2022

kolontsaina

Ady seza ho mpanjaka Raikitra ny sakoroka tao Vohibolo - Vohipeno

Sample post image

Raikitra ny rotaka tany Vohibolo Kaominina Ankaribary any Vohipeno ny marainan’ny omaly alarobia 26 oktobra 2022 noho ny lonilony ara-piarahamonina momba ny fisafidianana izay ho Mpanjaka tany an-toerana.

27-oct-2022

Nifanandrina ny ekipan’i Zany sy ny ekipan’Atoa Botomanovatsara noho ny fiadiana seza hahazo ny toeran’ny mpanjaka. Voalaza fa vita afak’omaly ny fankasitrana an'Atoa Zany ho mpanjaka tany Ivato, ary nomarihina fa tsy tokony mbola ho Mpanjakana Atoa Botomanovatsara Minisitra sy loholona teo aloha, raha ny fitantarana. Voalaza nihantsy, nanao fety anefa ny tarik’Atoa Botomanovatsara omaly fa tsy maintsy izy no mpanjaka, ka noheverin'ny ekipan'i Zany ho fihantsiana izany, hoy ny fanazavan’ny andaniny. Olona marobe miaraka tamin’ny antsy, vato, kibay no tonga teo antokotanin'i Botomanovatsara. Raikitra ny sakoroka, nopotehin'ny olona ny trano sy ny fananany. Tetsy ankilany, lehilahy iray no voalaza fa voatifitra ka naratra izy sy ny zanany lahy izay ben'ny tanàna Ankarimbary ihany ary novonjeena haingana natao “evacuation” any amin’ny hoptalin’i Manakara rehefa tonga ny zandary avy amin’ny Groupement Manakara. Nisy tamin’ny zandary no naratra voatora-bato. Nisy ny naratra tamin’ny andaniny sy ankilany. Nandefa mandatsa-dranomaso sy tifi-danitra nataon'ny zandary nandritran'ny famoahana azy ireo. Miaina anatin'ny horohoro tanteraka ny vahoakan’i Vohibolo noho ny tsindry hazolena sy fanararaotam-pahefana izay mihatra amin’izy ireo sy ny mety ho tohin'ity raharaha ity, hoy ny fanamarihana, izay niantso ny Fitondram-panjakana isan'ambaratongany isany mba hijery akaiky izao trangam-piarahamonina izao fa efa hatramin'ny volana febroary lasa teo no nisian'izao tranga fampihorohoroana, fakana ankeriny fanan'olona, fanararaotam-pahefana fandrahonana ny aian'ireo olona izay mitady hanohitra izay lazaina sy tsy mitovy hevitra amin’ireo sokajiany ho mpisetrasetra. Andrasana ny tena fanazavana ofisialy sy ny fivoaran'ny raharaha fa raha ny re omaly tolakandro dia efa tonitony.
Toky R
 

Dans la même rubrique

18-juin-2024

Mbola any amin’ny hopitaly manaraka fitsaboana ireo 4 mianadahy ao anatin’ny

Card image cap
17-juin-2024

Tsy dia misy mpividy hatreto ny arendrina vita Malagasy.

Card image cap