kolontsaina

Hatraiza ilay fitiavan-tanindrazana, hoy ny filohan’izy ireo, Mishah Rasolofo. Tsy tokony hiandrasana olon-kafa foana ny fandraisana andraikitra. Raha samy mahatsapa tena handray ny andraikitra tandrify azy ny tsirairay dia ho tratra ilay tanjona dia ny hoe miaina anaty firenena mandroso, feno filaminana, hananana taranaka vanona. Fampianarana an’izay ho an’ireto tanora ireto no atao anio (TTF: omaly) fa fizarana traikefa ihany koa eo amin’ny raiamandreny sy zanaka, izay tena tsy ampy amin’ny tanora. Lasa mandeha amin’ny lalan-diso ny ankizy satria variana amina zavatra hafa. Aoka tsy hiandry toerana hoe aleo aho minisitra mihitsy na depiote na manana miliara vao hanampy ny tanora. Tsy izay no atao hoe fitiavan-tanindrazana. Afaka entina hanampiana mpiara-belona daholo na kely aza no eo am-pelantanana rehefa ao ilay fitiavana sy finiavana. Ny ataonay izao satria mety tsy manana fahafaha-mifandray mivantana amin’ireo mpandraharaha ny tanora dia anjaranay izay manana an’izany no mampifandray hoe misy tanora ireto sao dia mba misy asa ho azy ireo ao aminareo. Isaorana ireo orinasa nanampy manoloana izany satria dia manodidina ny 500 isa izao no nahazo asa vokatr’izay fiaraha-mientana sy miasa izay, hoy hatrany ny FFAM. Araka ny fanamarihana moa dia tanora manan-talenta amin’ny fitsaboana nentim-paharazana izay niofana teo anivon’ny mpitsabo malagasy FITRAMA ireo nampiana hiditra amin’ny sehatra matihanina ireto.
J. Mirija