Sarimihetsika Malagasy

Nodimandry omaly 10 jona maraina teo amin’ny faha-47 taonany i Andrianaivo Holilalao Tolotra (Botakely), mpilalao sarimihetsika tamin'ny horonantsary Andrebabe, novokarin’ny trano mpamokatra Scoup Digital, izay nalaza sy nitondra fialam-boly sy tsikitsiky ho an’ny Malagasy. Vao andro vitsy, ny faran’ny herinandro teo no nindaosin’ny fahafatesana i Dadamanga, mpilalao sarimihetsika teo anivon’io trano famokarana io, dia io lasa nandao io ihany koa i Botakely, kanefa vao ny volana aprily ihany koa no nandao i Emmanuel Malok’ila, raha efa ela no nialoha làlana ry Dr Johary, Mariane, Randrenja, Rabodo, Razaky, Ratoma, Ralay,… Rahampitso 12 jona no halevina eny Masomboay Kaominina Ambanivohitra Tsiafahy i Holilalao Tolotra. Mirary fiononana feno ho an’ny fianankaviany manontolo sy ny tontolon’ny sarimihetsika Malagasy izay banga azy isika eto amin’ny Tia Tanindrazana.
Toky R