Tanora zanak’i Nosy be sady heverina ho manana ny maha izy no sady mpanetsiketsika tanora any an-toerana ny lehilahy, raha ny fanazavana sy fampitam-baovao voaray. Miantso ny fitondram-panjakana sy olobe an-tanàna ao Nosy be izy mba hijery akaiky ny mpanakanto Ninie Donia‚ izay mbola any am-ponja sady marary mafy ankehitriny, amin’izao tsingerin-taona nahaterahany izao. Reny‚ olobenay tsy hitako loatra fandikan-dalàna nataony kanefa dia faizina mafy ary ampahoriana tahaka izao, hoy ity mpanao politika tanora ity. Marary tena marary ary tsy rariny raha ny fahitako azy fa mba itodio ny raharaha Ninie Donia tompoko‚ hoy hatrany ny tenany.
J. Mirija