airtel

kolontsaina

24-mai-2023

kolontsaina

Tantara an’onjampeo «Ondry botry» Ho lalaovina an-tsehatra

Sample post image

Hanatanteraka seho an-tsehatra eny amin'ny Ekar Ambohimiandra, distrikan'Ambohitrimanjaka, ireo andrarezin'ny filalaovana tantara an'onjampeo ahitana an-dRakoto, i Faly, i Niravo,

24-mai-2023

i Antsaravaka, ary i Synèse, hoy ny fampitam-baovao. Hotanterahina ny alahadin'ny Pantekoty izao, manomboka amin'ny 2 ora, eo an-tokotanin'ny fiangonana Md Piera Ambohimiandra izany. Holalaovin'izy ireo an-tsehatra ilay tantara nosoratan'i Ony Mihajanirina, mitondra ny lohateny hoe "Ondry botry". Anehoana ny fiainana an-davanandro ifamahofahoan'ny harena sy ny fahantrana. Ny fifankatiavan'olon-droa ary ny olan'ny fianakaviana sy ny fitondran-tena. Eo koa ny hatsikana sy ny fampitana anatra. Natao ho an'ny sokajin'olona rehetra rahateo ny seho an-tsehatra ary ifanakaikezan'ireto mpilalao tantara ireto amin'ireo mpankafy ihany koa. Hisahana ny fikirakirana ny lafiny tekinika sy ny fandrindrana ny sehatra ary koa ny fanentanana i Bruno Rakotomalala. Tsiahivina fa mikarakara izany fampisehoana izany ny antoko mpihira ao amin'ny fiangonana katolika Md Piera Ambohimiandra, hoy hatrany ny fampitam-baovao mikasika ity tantara an’onjapeo ho lalaovina an-tsehatra ity.
J. Mirija
 

Dans la même rubrique

27-mars-2024

Araka ny rafitra iraisam-pirenena momba ny tantara an-tsehatra na teatra dia isaky ny 27 martsa

Card image cap
27-mars-2024

Hafotaka ny fankalazana ny fetin’ny Paska amin’ity taona 2024 ity ho an’ny ao Antsirabe,

Card image cap