tia tanindrazana

Parution du Lundi, 20 Septembre 2021

airtel

kolontsaina

Taom-baovao lohataona 2021 Tontosa tany Boeny ny andiany fahaefatra

Ny Faritra Boeny no nandray ny fankalazana ny “taom-baovao lohataona 2021” ny 10-12 septambra lasa teo.

14-sept-2021

Sample post image

Tsiahivina fa ny taona 2020 no efa tokony ho nandray ny fankalazana ny faritra Boeny saingy tsy tanteraka noho ny hamehana ara-pahasalamana. Nandray an-tànana ny fifanampiana hanatontosana ny hetsika tamin'ity taona ity eo anivon'ny fiadidiana ny Repoblika sy ny Ministeran'ny kolontsaina ary ny governoram-paritra boeny. Notronin'ireo olom-boafidy isan-tsokajiny ao anatin’ny Foko Sakalava. Vahiny maro manerana ny nosy no noraisin’ny foko Sakalava, izay nampijoro ny Filongoaben'ny Sakalava eto Madagasikara na ny FIBESAMA. Izy no renivohitra faha-4 nandray ny fankalazana hatramin'ny fanapahan'ny Raiamandreny ara-drazana io daty iraisana io, niantomboka ny 2017. Lanonana ara-drazana sy ara-kolontsaina nantomboka tamin'ny Vovonamben'ny Raiamandreeny ara-drazana ny 10 septambra, fitsidihana ny faritra masina any an-toerana ny andrtr'io ihany. Firantiana an-dalambe tamin'ny fitafy sy fiketsika mampiavaka ny foko tsirairay avy kosa ny 11 septambra, narahin’ny fitokanana ny tsangambaton'ny firaisam-pirenena izay naseho endrika tamin'ny "Zomba vinda". Namoaka tsoa-kevitra 4 ny Vovonamben’ny Raiamandreny ara-drazana, izay mitsinjara toy izao: Lany amin'ny salan'isa 77% tamin’ny fakan-kevitry ny Minisiteran’ny kolontsaina ny hametrahana ny andro hankalazana ny taom-baovao iraisan'ny Malagasy Lohataona, ka mangataka ny hanaovana izany ho andro tsy fiasana kanefa andraisan-karama; Mitaky ny hanomezan-danja ny soatoavina sy ny maha-Malagasy ao anatin'ny lalàmpanorenana mba hitantanana ny tany sy ny fanjakana (fanitsiana ny lalàmpanorenana hananganana Antenimieran'ny Raiamandreny ara-drazana; Tafapetraka ny Vovonamben'ny Raiamandreny ara-drazana ary hohatevenina amin'ny fandraisana ireo loham-poko sy to-teny avy amin'ny foko mbola tsy nahapetraka ny solontenany ny filan-kevitra, ka ny komity mpikarakara ny taom-baovao iraisan'ny Malagasy eto an-drenivohitra no hitantana vonjimaika ny Vovonamben'ny ray aman-dreny ara-drazana; Tapaka fa ny renivohitr'Antsiranana no handray ny taom-baovao iraisan'ny Malagasy andiany fahadimy.
Toky R
 

Dans la même rubrique

Card image cap
Misaona ny zava-kanto sy ny mozika Nodimandry i Sammy Rastafanahy
20-sept-2021

Nodimandry ny sabotsy 18 septambra 2021 lasa teo ny Mpanakanto Sammy Rastafanahy na Raharisoa Samuel, fantatra tamin’ny anaram-bositra ihany koa hoe “Dollar”,

Card image cap
Silo sy ny fitendrena vatamaroafitsoka Hitondra seho miavaka etsy amin’ny Trinq’île Tsiazotafo
20-sept-2021

Hiavaka ny fampisehoana entin’ny andrarezin’ny vatamaroafitsoka Malagasy, Silo, etsy amin’ny Trinq’île Tsiazotafo ny alin’ny zoma 24 septambra izao.

Card image cap
Rija Ramanantoanina Eny Morondava - Ambohibao indray no fotoana
20-sept-2021

Ao amin’ny Le Catagasy Morondava Ambohibao indray no fotoana miaraka amin’I Rija Ramanantoanina sy ireo hiram-pitiavana nahafantarana azy hatramin’izay ny 1 oktobra 2021 izao.

Card image cap
Asa tànana sy vokatra sy Malagasy Raikitra ny fampirantiana “Made in Madagascar”
17-sept-2021

Nisokatra omaly tetsy amin’ny Hotely Le Louvre Antaninarenina ary tsy hifarana raha tsy ny alahady 20 septambra izao ny varotra fampiratiana nomena ny lohahevitra “Made in Madagascar”

Card image cap
"Cité des métiers" Ivato Natokana ho an'ny asa-tànana Malagasy
17-sept-2021

Nankatoavina nandritry ny filakan-kevitry ny minisitra tamin’ny alarobia 15 septambra teo ny hanamboaran'ny Ministeran’ny Asa-tànana sy ny Hai-tao,

Voir plus