airtel

kolontsaina

07-juin-2023

kolontsaina

TENY GASY Fanapariahana atao ahoana, mba ho Fampandrosoam-paritra tokoa

Sample post image

Ho resaka hifandroritana ato ho ato indray ny fananganana Faritra vaovao. Ny tena resaka, tsy dia hoe fampanatonana akaiky kokoa ny renivohi-paritra,

07-juin-2023

fa ny fanomezana fahefana (vola sy fitaovana ary olona) marina tokoa ny Faritra. Nandritra ny Repoblika Faharoa (1975-1991), tadidy fa 111 no isan’ny Fivondronana. Mihoatra noho izany ny isan’ny Distrika (tsy azoko moa maninona no nariana ilay anarana Fivondronana izay teny gasy mazava) ankehitriny. Na ho atao Faritra avokoa aza ny Fivondranana, poakaty ihany izany raha tsy tanteraka ny tena fanapariaham-pahefana.

Antananarivo-Renivohitra aza, tsy maha tapak’ahitra noho ny fiankinan-doha amin’ny Ministera samy hafa, indrindra ny Ministeran’ny Vola. Ilay antsoina hoe «Sata Manokana», lahatsoratra poakaty. Raha ny isan’ny mponina, ny toe-karena sy harin-karena, Antananarivo-Renivohitra no «Faritra» vaventy indrindra eto Madagasikara, ary ny Ben’ny Tanàna eto dia mitovy sata amin’ny Governora.

Governora ? Iaraha-mahalala fa fandikan-dalàna tsy manaja ilay Lalampanorenana (tsy nifanarahana) tamin’ny 2010, ny fanendrena ny Lehiben’ny Faritra izay tokony ho olom-boafidy. Raha mbola tahaka izany hatrany no fomban’izay Mpitondra foibe, resaka ka mba atao ilay hoe Fitsinjaram-pahefana.

Lalam-panorenana tamin’ny aprily 2007 no nametraka ny Faritra. Ny famoronana sy ny famaritana ny Vondrom-paritra itsinjaram-pahefana dia hoe tokony mifandraika amin’ny «critères d’homogénéité géographique, économique, sociale et culturelle».

Hatramin’ny nidiranan’ny «droit administratif» fantsay teto, dia niovaova imbetsaka ny «organisation territoriale». Tamin’ny 1957 vao raikitra ireo Faritany enina amin’ny endrika ahafantarantsika azy ankehitriny. Isan’ny mampametra-panontaniana moa ny nampiraisana ho Faritany iray an’i Tolagnaro sy Toleara, na Fandriana sy Vangaindrano, na Moramanga sy Sainte-Marie...

Tsy misy tsy mahalala fa misy tany lavitr’Andriana kokoa noho ny hafa eto Madagasikara. Ilay Lalam-panorenana 2007 dia nametraka ihany koa ilay hoe «fonds spécial de solidarité» ho an’ny faritra sahirana, saingy mandrak’ity ny androany moa mbola tsy hita ihany ilay «dispositifs de péréquation» natsidiky ny andininy faha-135 tamin’izany.

Fitsinjarana, Fanapariahana, ho atao ahoana no tokony ho dinika mialoha ny hoe Faritra inona, aiza, firy.

VANF


 

Dans la même rubrique

27-mars-2024

Araka ny rafitra iraisam-pirenena momba ny tantara an-tsehatra na teatra dia isaky ny 27 martsa

Card image cap
27-mars-2024

Hafotaka ny fankalazana ny fetin’ny Paska amin’ity taona 2024 ity ho an’ny ao Antsirabe,

Card image cap