Hita teny an-toerana fa tena miha maro ireo olona naharay ny hafatra nentiny ary miha resy lahatra aminy. Fanovana ny fomba fisainana, fanovana ny fomba fanaovana politika no entin’ity kandidan’ny Tia Tanindrazana ity mba ho tena politika mampandroso tokoa no atao eto fa tsy politikan’ny fitadiavan-tseza fotsiny. Nanambara imasom-bahoaka i Tahina androany fa 24 taona no efa tao amin’ny politika izy. Manampy ny politika aho, hoy izy fa kosa tsy mivelona amin’ny politika. Nisy ireo noheverina fa hitondra ny fanovana notohanana tamin’izany fotoana izany saingy nampiahiahy . Tonga kosa ankehitriny ny fotoana ijoroana sy handraisana andraikitra ka dia izao isika tafahaona izao, hoy i Tahina Razafinjoelina. Tena tsy azo ekena hoy izy ny hoe ny olona alefa hitolona sy hitaky ny fahamarinana, hay ary ambadika ary ry zareo mpifaninanana efa mifandray tanana sy mifamihinaTena teo no nampisaraka ny lalana hoy ny filoha nasionalin’ny antoko Tia Tanindrazana. Mila mino sy miezaka ny tsirairay raha te ho tafita, hoy izy.Nanamafy hatrany izy fa asa, fahafahana mitsabo ny zanaka, fahadiovana no ilaina sy maika amin’izao fotoana fa tsy fetifety sy fampisehoana izany.Isika miasa, ny zanantsika salama no zavadehibe fa tsy resaka fampisehoana ka andao isika hiroso ho an’ny tena fanovana hoy ny kandida laharana faharoa Tahina Razafinjoelina.
Nangonin’i RTT
Mihamafana ny fifandonana eo amin’ireo olom-boafidy ao amin’ny Faritanin’i Mahajanga
Samy manana ny hamaritany ny atao hoe fitiavan-tanindrazana fa ny ahy ny hiheverako azy
Isan-taona, isaky ny volana jona, mankalaza ny volan’ny ankizy i Madagasikara,
Raha mba mifanaraka amin’ny fihetsiketsehana moa ny asa atao maninona.
Hanatanteraka fitsidihana ara-panjakana eto Madagasikara ny Filoha Slovenina Nataša Pirc Musar
Manentana ny olom-pirenena rehetra ny filohan’ny repoblikan’i Madagasikara, Andry Rajoelina,